नागपूर :-पोलीस ठाणे हिंगणा हद्दीत,प्लॉट नं. १६५, महाजन वाडी, हिंगणा, नागपुर येथे राहणाऱ्या फिर्यादी नलीनी पुरूषोत्तम तांबुलकर वय ५२ वर्षे यांना आरोपी नामे प्रदीप किसन खंगार वय ५५ वर्ष व त्याची पत्नी वंदना प्रदीप खंगार वय ४८ वर्ष दोन्ही रा. रायपूर, हिंगणा, जि. नागपूर यांनी संगणमत करून ते दोघे पोस्टाचे एजंट असल्याचे फिर्यादीस भासवुन फिर्यादी व ईतर ठेवीदार यांचे कडुन एफ. डी तसेच आर.डी स्वरूपात वेळी वेळी ठेवी स्वीकारून नमुद रक्कम त्यांचे पोस्टाचे खात्यात जमा न करता नमुद रकमेचा स्वतःचे आर्थिक फायदयाकरीता वापर करून फिर्यादी तसेच ईतर ठेवीदार यांची एकुण २,२५,५८,४००/- रू अन्यायाने विश्वासघात करून फसवणुक केली.
![](https://newstoday24x7.com/wp-content/uploads/2024/08/dggds.jpg)
याप्रकरणी फिर्यादी यांनी दिलेल्या तकारीवरून तसेच अर्जाचे चौकशीवरून पोलीस ठाणे हिंगणा येथे सपोनि. वाघ यांनी दोन्ही आरोपीविरुध्द कलम ४०६, ४०९, ४१९, ४२०, ४६५, ४६८, ४७९, ३४ भा.द. वी. सहकलम ३ महाराष्ट्र ठेवीदारांचे हित संबंधाचे संरक्षण अधिनीयम अन्वये गुन्हा दाखल केला आहे. पुढील तपास सुरू आहे.
![](https://newstoday24x7.com/wp-content/uploads/2024/03/Dphysiiocare-2.jpeg)