संदीप कांबळे, विशेष प्रतिनिधी
कामठी :- स्थानिक जुनी कामठी पोलीस स्टेशन हद्दीत येणाऱ्या मोंढा रहिवासी 14 वर्षीय मुलाचा राहत्या घरात खेळता खेळता कपडे ठेवण्याच्या नॉयलॉन दोरीने गळफास लागल्याने जागीच मृत्यु झाल्याची घटना आज सकाळी 10 .45 वाजता घडली असून मृतक मुलाचे नाव चिन्मय नेवारे वय 14 वर्षे रा मोंढा कामठी असे आहे.
पोलिसांनी दिलेल्या माहितीनुसार सदर 14 वर्षीय मृतक बालक हा आपल्या 9 वर्षोय लहान भावासोबत खेळत असता आईने आंघोळीला बोलावले तरीही परत न आल्याने आईने जाउंन बघितले तर मुलगा गळफास अवस्थेत दिसल्याने आईने एकच हंबरडा फोडला. मृतक मुलाचे वडलाचे पूर्वीच निधन झाले आहे.मृतकाच्या पाठीमागे आई व एक लहान भाऊ असा आप्तपरिवार आहे.
घटनेची माहिती मिळताच पोलिसांनी त्वरित घटनास्थळ गाठून घटनास्थळाचा पंचनामा करीत मृतदेह ताब्यात घेऊन मृतकाच्या पार्थिवावर शवविच्छेदन करण्यात आले.पोलिसांनी तूर्तास घटनेची नोंद केली असून पुढील तपास सुरू आहे.
