संदीप कांबळे, विशेष प्रतिनिधी
कामठी :- कामठी तालुक्यांतर्गत येणाऱ्या म्हसाळा येथील पौजेपीन्स एकडेमी शाळेजवळ एका स्कुल बसच्या धडकेने 8 व्या वर्गात शिकणाऱ्या एका 12 वर्षीय विद्यार्थ्यांचा अपघाती मृत्यू झाल्याची घटना आज दुपारी अडीच दरम्यान घडली असून मृतक बालकाचे नाव समेश दिनेश कदमते असे आहे.
प्राप्त माहितीनुसार नेहमीप्रणाने दुपारी 2 नंतर शाळेला सुट्टी झाल्यानंतर बसच्या प्रतीक्षेत रस्त्याच्या कडेला विद्यार्थी उभे असता सरळ मार्गाने येणारी पिवळ्या रंगाची स्कुल बसची ब्रेक फेल झाल्याने बसचालकाने अनियंत्रित बसची खांबाला धडक दिल्याने प्रतीक्षेत असलेले विद्यार्थी सैरावैरा पळू लागले मात्र या पळापळीत एक विद्यार्थी बस च्या चाकाखाली आल्याने विद्यार्थी रक्तबंबाळ होऊन जागीच मृत्यू झाला.हे दृश्य बघून सर्वाना एकच धक्का बसला यावेळी विद्यार्थिला नागपूरच्या खाजगी रुग्णालयात हलविले असता उपास्थित डॉक्टरांनी विद्यार्थ्याला मृत घोषित केले. कोराडी पोलिसांनी घटनेची नोंद केली असून पुढील तपास सुरू आहे.
