नागपूर :- शांतीनगर पोलीस पथकाचे अधिकारी व अंमलदार हे पोलीस ठाणे हद्दीत पेट्रोलींग करीत असतांना, या ताज बिरयानी दुकान जवळ, लालगंज, पहाडपूरा, नागपूर याठिकाणी एक संशयीत ईसम पोलीसांना पाहुन पळण्याचे प्रयत्नात असतांना, त्यास ताब्यात घेतले. त्यास त्याचे नाव पत्ता विचारले असता, त्याने त्याचे नांव आशीष विनोद माहुरे, वय २४ वर्षे, रा. तांडापेठ, चंद्रभागा नगर, पाचपावली, नागपुर असे सांगीतले. त्याची अंगझडती घेतली असता, त्याने जवळ एक लोखंडी सत्तूर किंमती अंदाजे ५००/- रू. चा मिळुन आल्याने तो जप्त करण्यात आला. आरोपी हा घातक शख बाळगतांना समक्ष मिळून आल्याने, त्याने मनाई आदेशाचे उल्लंघन केल्याने, त्याचे विरूध्द पोलीस ठाणे शांतीनगर येथे पौहवा, प्रविण यांनी दिलेल्या तक्रारीवरून पोउपनि, अरवट यांनी आरोपीविरूध्द कलम ४, २५ भा.ह.का., सहकलम १३५ म.पो.का. अन्वये गुन्हा दाखल करून, आरोपीस अटक केली आहे. पुढील तपास सुरू आहे.
