संदीप कांबळे, विशेष प्रतिनिधी
कामठी :- स्थानिक नवीन कामठी पोलीस स्टेशन हद्दीत येणाऱ्या शिरपूर येथील शिरपूर हाऊसिंग एजन्सीच्या शिरपूर कॉलोनीतील एका कुलूपबंद घरी अज्ञात चोरट्याने घरात अवैधरित्या प्रवेश करून घरातील नगदी 48 हजार रुपये चोरून नेल्याची घटना सकाळी सात दरम्यान घडली असून यासंदर्भात कन्हैयालाल पुंडे वय 40 वर्षे ने पोलीस स्टेशनला दिलेल्या तक्रारिवरून अज्ञात चोरट्या विरुद्ध गुन्हा दाखल करण्यात आला असून पुढील तपास सुरू आहे.
पोलिसांनी दिलेल्या माहितीनुसार सदर पीडित फिर्यादी हे आपल्या पत्नीसह सडक अर्जुनी गावी सासुरवाडिला 15 डिसेंबरला दुपारी दीड वाजता गेले असता आरोपितांनी घरी कुणी नसल्याची संधी साधून घरातील 48 हजार रुपये चोरून नेले यासंदर्भात माहिती मिळताच फिर्यादी व त्याच्या पत्नीने थेट घर गाठले असता घरी चोरी झाल्याची घटना मिळताच पोलिस स्टेशन ला दिलेल्या तक्रारीवरून गुन्हा दाखल करण्यात आला.
