संदीप कांबळे, विशेष प्रतिनिधी
कामठी :- स्थानिक नवीन कामठी पोलीस स्टेशन हद्दीत येणाऱ्या कामठी -कळमना मार्गावरील सुपारेनगर न्यू येरखेडा येथील एका तरुणाने मित्राच्या विरहात स्वतःच्या राहत्या घरी विष प्राशन करून आत्महत्या केल्याची घटना सोमवारला सायंकाळी सात वाजता सुमारास घडली असून सचिन उर्फ पप्पू वामन देशमुख वय 30 वर्ष असे मृतक तरुणाचे नाव आहे. नवीन कामठी पोलिसांनी दिलेल्या माहितीनुसार मृतक सचिन उर्फ पप्पू वामन देशमुख वय 30 वर्ष राहणार सुपारे नगर येरखेडा हा आई-वडिलांसह वास्तव्यास असून सचिन देशमुख हा वडिलांसह साहित्य विक्रीचा व्यवसाय करीत होते मृतक सचिन देशमुख चा मित्र मोनल रामू जगनाडे वय 35 वर्ष राहणार नेहरू मंच मोंढा कामठी याने दोन दिवसापूर्वी आपल्या राहत्या घरी दोराने गळफास लावून आत्महत्या केली होती दोघांची मोठी जवळीक मैत्री असल्याने मृतक सचिन उर्फ पप्पू वामन देशमुख यांनी सोमवारला दुपारी तीन वाजता सुमारास राहत्या घरी बेडरूममध्ये विष प्राशन केले. प्रकृती खालावल्याने बेशुद्ध होऊन पडला आई व वडिलांनी लगेच त्याला उपचारासाठी कामठी उपजिल्हा रुग्णालयात घेऊन गेले असता डॉक्टराणी त्याला तपासून मृत घोषित केले .घटनेची माहिती नवीन कामठी पोलीस स्टेशनला दिली असता पोलीस घटनास्थळी येऊन पंचनामा करून नवीन कामठी पोलीस स्टेशनला कलम 194 भारतीय न्याय संहितेनुसार गुन्हा दाखल केला असून पुढील तपास नवीन कामठी पोलीस करीत आहेत. दोन्हीही तरुणांच्या आत्महत्या ने नातेवाईकांमध्ये हळहळ करण्यात येत आहे.
