नागपूर :- दहाव्या आंतरराष्ट्रीय योग दिनानिमित्य २१ जुन रोजी, भाऊसाहेब मुळ्क आयुर्वेद महाविद्यालय, नंदनवन, नागपुर येथे महाविद्यालयाचे प्राचार्य डॉ. युवराज काळे यांच्या मार्गदर्शनाखाली सामुहिक योग घेण्यात आला, डॉ. योगेश तुलशान योग प्रशिक्षक यांनी सकाळी ६.३० ते ८.३० दरम्यान सर्वांकडून आयुष मंत्रालयाचा कॉमन योगा प्रोटोकॉल करवून घेतला.
या कार्यक्रमात महाविद्यालयाचे सर्व शिक्षक, शिक्षकेतर कर्मचारी व विद्यार्थ्यांनी उत्साहाने सहभाग घेतला. सोबतच यावेळी च्या आंतरराष्ट्रीय योगा दिनाची थीम’ योगाफॉरसेल्फ अँडसोसायटी’ जागृतीसाठी योग दिंडी काढण्यात आली. स्वस्थवृत्त विभागातर्फे घेण्यात आलेल्या १४ जून ते २१ जून, या योग सप्ताहात विद्यार्थ्यांसाठी सूर्य नमस्कार स्पर्धा, पोस्टर स्पर्धा, घोषवाक्य स्पर्धा घेण्यात आल्या, कार्यक्रमाच्या यशस्वितेसाठी विभागप्रमुख डॉ. माधवी रेहपाडे, डॉ.ममता तलमले, डॉ. ओमप्रकाश गुल्हाने डॉ.रुपाली भनारे यांनी विशेष प्रयत्न केले.
