अमरदिप बडगे, प्रतिनिधी
गोंदिया :- जिल्ह्यातील तिरोडा तालुक्यातील तालुका पत्रकार संघाच्यावतीने स्पर्धा परीक्षा मार्गदर्शन शिबीराचे 15सप्टेबरला सकाळी 10 वा. आयोजन करण्यात येणार आहे.
कोरोना काळामुळे दोन वर्ष स्पर्धा परीक्षा देणाऱ्या मुलांकरीता फार कठीण गेले असुन त्याचे मनोधैर्य वाढविण्यासाठी स्पर्धा परीक्षा तयारी सराव कशा पध्दतीने करावे,अशा अनेक बाबी लक्षात घेता स्पर्धा परीक्षा मार्गदर्शन शिबीराचे आयोजन पत्रकार संघातर्फे 15 सप्टेंबरला सी.जे.पटेल महाविद्यालय येथे सकाळी 10 वाजे दरम्यान कार्यक्रम राहणार असुन प्रमुख मार्गदर्शक म्हणून गोंदिया जिल्ह्याचे अप्पर जिल्हाधिकारी राजेश खवले, तिरोडा उपविभागीय अधिकारी पुजा गायकवाड, गोंदिया शिक्षणाधिकारी डॉ. महेन्द्र गजभीये, तिरोडा पोलिस स्टेशनचे पोलीस निरीक्षक दिनेश तायडे ,संबंधित स्पर्धा परीक्षेची तयारी करणाऱ्या विद्यार्थ्यांना मार्गदर्शन करणार आहेत.त्याचबरोबर नुकतेच तिरोडा तालुक्यातील महाराष्ट्र राज्य सेवा आयोग परिक्षेत उत्तीर्ण झालेल्या विद्यार्थ्यांचे स्मृती चिन्ह व पुष्पगुच्छ देऊन विशेष सत्कार करण्यात येणार आहे.तरी स्पर्धा परीक्षेची तयारी करणाऱ्या विद्यार्थ्यांनी कार्यक्रमाला उपस्थित राहण्याचे आवाहन तिरोडा तालुका पत्रकार संघातर्फे करण्यात आले आहे.
