संदीप कांबळे, विशेष प्रतिनिधी
कामठी :- ग्रामपंचायत च्या माजी उपसरपंच असलेल्या सर्वसाधारण तळागाळातील व्यक्तीला आपल्या सर्वांनी मतदानातुन दिलेल्या आशिर्वादामुळे खासदार होता आले. महाविकास आघाडी च्या समस्त पदाधिकारी व कार्यकर्त्यांसह मतदारांनी उन्हाची कुठलीही तमा न बाळगता माझ्या विजयासाठी आटोकाट प्रयत्न केले या विजयाचे श्रेय आपले आहे.आपण केलेल्या परिश्रमाची उतराई करण्यासाठी रामटेक मतदार संघाचा पूर्णता विकास करण्यासाठी कटिबद्ध राहणार असल्याचे मौलिक मत खासदार श्यामकुमार उर्फ बबलू बर्वे यांनी यांच्या निवासस्थानी शिवसेना च्या वतींने आयोजित खासदार सत्कार कार्यक्रमात व्यक्त केले.
शिवसेना नागपुर जिला ग्रामीण तालुका कामठी शहर द्वारा नवनिर्वाचित खासदार श्यामकुमार बर्वे यांचा शाल श्रीफळ देऊन सत्कार करण्यात आला. याप्रसंगी प्रामुख्याने माजी जी प अध्यक्ष रश्मी बर्वे, शिवसेना जिला प्रमुख देवेंद्र गोडबोले, जिला उप प्रमुख दिलीप मुडे, कामठी शहर प्रमुख मुकेश यादव, श्रीराम हटवार ,रवि निकाळजे, सुनील काटगाये, रितेश केजरकर ,रितेश पाटील, बंटी खरकटे,, सूरज दास, बापू बरई मनोज पाटिल, दिलीप बावनकुड़े आदी शिव सैनिक उपस्थित होते.
