संदीप कांबळे, विशेष प्रतिनिधी
कामठी :- आर आर पाटील सुंदर गाव पुरस्कार योजने अंतर्गत सन 2022-23 चा तालुका स्तरावरील स्मार्ट ग्राम पुरस्कार हा कामठी तालुक्यातील आदर्श ग्रामपंचायत असणाऱ्या पावनगाव गावाला मिळाला आहे.
कामठी तालुक्यातील आदर्श ग्रामपंचायत म्हणून ओळख असलेल्या पावनगाव ग्रामपंचायत तर्फे गावात विविध शासकीय योजना तसेच कामे अतिशय चांगल्या पद्धतीने राबविल्या जात आहेत त्यामुळे हे गाव आदर्श गाव ठरले असताना या गावाला सन 2022-23 च्या आर आर पाटील सुंदर गाव पुरस्कार योजने अंतर्गत सन 2022-23 च्या स्मार्टग्रामच्या तालुका स्तरावरील पुरस्कारासाठी या गावाची निवड झाली आहे. त्यामुळे काल 28 फेब्रुवारीला नागपूर जिल्हापरिषद च्या वनामती सभागृहात गटविकास अधिकारी प्रदीप गायगोले, सरपंच नेहा किरण राऊत , सचिव विकास सहारे, विस्तार अधिकारी मनीष दिघाडे,व पावनगाव ग्रा प सदस्यगण यांना जिल्हा परिषद अध्यक्ष मुक्ता कोकड्डे ,उपाध्यक्ष कुंदा राऊत, अतिरिक्त मुख्य कार्यकारी अधिकारी नेमाने, उपमुख्य कार्यकारी अधिकारी कपिलनाथ काळोदे यांच्या हस्ते पुरस्कार प्रमाणपत्र देऊन सम्माणीत करण्यात आले.
