पणजी :-श्वेता कदमच्या कुशल नेतृत्वासह महेक राऊत, अक्षता आणि स्नेहल पाटीलने उत्तम कामगिरी करत महाराष्ट्र महिला संघाला राष्ट्रीय क्रीडा स्पर्धेत रोल बॉलमधील सुवर्णपदकाचा बहुमान मिळवून दिला. पुरुष संघाला रौप्यपदक मिळाले.
महाराष्ट्र महिला संघाने अंतिम फेरीमध्ये राजस्थानचा ५-२ असा पराभव केला. महाराष्ट्र पुरुष संघाला रौप्यपदकावर समाधान मानावे लागले. राजस्थान संघाने महाराष्ट्रावर ७-५ अशी मात केली.
*महिला संघाची कौतुकास्पद कामगिरी : प्रशिक्षक हेमांगिनी काळे*
महाराष्ट्र महिला संघाची यंदाच्या स्पर्धेतील कामगिरी कौतुकास्पद ठरली. यामुळेच संघाने आपली विजयी मोहीम कायम ठेवत अंतिम फेरी गाठली. यातही साजेशी कामगिरी करत संघाने विजय संपादन केला, अशा शब्दांत मुख्य प्रशिक्षक हेमागिंनी काळे यांनी संघाची प्रशंसा केली.
