कोदामेंढी :- अरोली-कोदामेंढी जि.प.क्षेत्र व कोदामेंढी पं.सं.क्षेत्र अंतर्गत येणाऱ्या गट ग्रा. पं.सिरसोली येथील महात्मा गांधी राष्ट्रीय ग्रामीण रोजगार हमी योजनेची कामे बंद आहेत. येथील ग्राम रोजगार सेवक अरविंद मेश्राम यांच्यासह संपूर्ण मौदा तालुक्यातील ग्रामरोजगार सेवकांचा प्रवासभत्ता व अल्पोहार भत्ता मागील दोन ते तीन वर्षापासून प्रलंबित असल्याने सिरसोली येथील ग्रामरोजगार सेवकाने कामे बंद केली आहेत.गावे समृद्ध करण्यासाठी रोहयो ची कामे सुरु असणे आवश्यक आहे. त्यामुळे दोन ते तीन वर्षांपासून प्रलंबित असलेला ग्रामरोजगार सेवकांचा टी.ए.,डी.ए.संबंधित रोहयो विभागाने त्वरित प्रदान करुन रोहयो ची कामे करावी, अशी मागणी गट ग्रा.पं.सिरसोली सरपंच विनोद कारेमोरे यांनी केली आहे.
ग्रामरोजगार सेवकांचा टी.ए,डी.ए,दोन वर्षापुर्वीपासून प्रलंबित असल्याने सिरसोली येथील रोहयो ची कामे बंद – सरपंच विनोद कारेमोरे
Contact us for news or articles - dineshdamahe86@gmail.com