जनहिताशी अखेरपर्यंत बांधिलकी जपणारा… तत्त्वनिष्ठ व निस्वार्थी नेता आज हरपला – शरद पवार

मुंबई दि. १७ जानेवारी – महाराष्ट्रातील शेतकरी… कष्टकरी वर्गाप्रती आस्था असलेला…जनहिताशी अखेरपर्यंत बांधिलकी जपणारा… तत्त्वनिष्ठ व निस्वार्थी नेता आज हरपला आहे अशा शब्दात राष्ट्रवादी काँग्रेसचे राष्ट्रीय अध्यक्ष शरद पवार यांनी ट्विटद्वारे एन. डी. पाटील यांच्याबद्दल आपल्या भावना व्यक्त केल्या आहेत.

डॉ. एन. डी. पाटील यांनी उपेक्षित लोकांच्या प्रश्नांसाठी विधिमंडळातही आवाज उठवला, आपल्या अभ्यासपूर्ण भाषणांनी सभागृह गाजवले होते याची आठवणही शरद पवार यांनी ट्वीटमध्ये सांगितली आहे.

शेतकरी कामगार पक्षाची धुरा निष्ठेने सांभाळणार्‍या एन. डी. पाटील यांनी रयत शिक्षण संस्थेची जबाबदारीही त्यांच्या अध्यक्षपदाच्या कार्यकाळात तितक्याच क्षमतेने पार पाडली. संस्थेच्या वाटचालीतील त्यांचे योगदान कधीच पुसले जाणार नाही.

सर्व कुटुंबियांप्रती या दुःखद प्रसंगी सांत्वना व्यक्त करताना शरद पवार यांनी प्रा. एन. डी. पाटील यांना भावपूर्ण श्रद्धांजली वाहिली आहे

Contact us for news or articles - dineshdamahe86@gmail.com

News Today 24x7

Next Post

शेतकरी, शेतमजूर, आदिवासी, कष्टकरी, उपेक्षित बांधवांसाठी लढणारे संघर्षशील नेतृत्वं हरपले -उपमुख्यमंत्री अजित पवार

Mon Jan 17 , 2022
मुंबई, दि. 17 : “महाराष्ट्राच्या पुरोगामी, परिवर्तनवादी चळवळीतील ज्येष्ठ नेते प्रा. एन. डी. पाटील म्हणजे सामान्य माणसाच्या संघर्षाचा कृतीशील विचार होता. सर्वसामान्य माणसाच्या हक्कासाठी जीवनाच्या अखेरपर्यंत ते संघर्ष करीत राहिले. त्यांच्या निधनाने शेतकरी, शेतमजूर, आदिवासी, कष्टकरी, दुर्बल, वंचित, उपेक्षित बांधवांसाठी लढणारे संघर्षशील नेतृत्व हरपले आहे, अशा शब्दात उपमुख्यमंत्री अजित पवार यांनी आपल्या शोकभावना व्यक्त करीत प्रा. एन. डी. पाटील यांना श्रद्धांजली अर्पण केली आहे.             उपमुख्यमंत्री श्री.पवार शोकसंदेशात म्हणतात, सीमाभागातील […]

You May Like

Latest News

The Latest News

Social Media Auto Publish Powered By : XYZScripts.com
error: Content is protected !!