पिट्टू असोसिएशनला दुहेरी विजेतेपद – खासदार क्रीडा महोत्सव पिट्टू स्पर्धा

नागपूर :- केंद्रीय मंत्री नितीन गडकरी यांच्या संकल्पनेतून साकार झालेल्या खासदार क्रीडा महोत्सवातील पिट्टू स्पर्धेमध्ये पिट्टू असोसिएशने दुहेरी विजेतेपद पटकाविण्याची कामगिरी केली. पुरुष आणि महिला गटात अंतिम सामन्याम पिट्टू असोसिएशन नागपूर संघाने प्रतिस्पर्धींना मात देत विजेतेपद प्राप्त केले. वैशाली नगर मैदानात ही स्पर्धा पार पडली.

पुरुष गटात पिट्टू असोसिएशन नागपूर चा सामना नागपूर वॉरियर संघासोबतच झाला. यामध्ये पिट्टू असोसिएशनने सर्वाधिक ५३ गुण मिळवून ११ गुणांनी विजेतेपदावर मोहोर उमटविली. ४२ गुणांसह नागपूर वॉरियरला उपविजेतेपदावर समाधान मानावे लागले. पुरुषांच्या तिसऱ्या स्थानासाठीच्या सामन्यात पीडब्ल्यूएस कॉलेज (४२) ने जी.एच. रायसोनी ज्यूनिअर कॉलेज (३८)चा ४ गुणांनी पराभव केला.

महिलांच्या सामन्यात पिट्टू असोसिएशन नागपूर संघाने ६ गुणांनी पीडब्ल्यूएस कॉलेजचा पराभव केला. तिसऱ्या स्थानासाठीच्या सामन्यात रायसोनी कॉलेज (४६) संघाचा १२ गुणांनी पराभव करुन वैशाली नगर पिट्टू क्लब (५८)ने विजय मिळविला.

१७ वर्षाखालील मुलांच्या अंतिम सामन्यात रायसोनी ग्रुप (५८) ने वैशाली नगर पिट्टू क्लब (५५)चा अवघ्या ३ गुणांनी पराभव करुन विजेतेपद पटकाविले. तिसऱ्या स्थानासाठीच्या सामन्यात डी.डी. नगर विद्यालयाने (२७) शिवाजी वॉरियर्स (१८) चा ९ गुणांनी पराभव करुन विजय मिळविला. १७ वर्षाखालील मुलींचा अंतिम सामना चंदा देवी सराफ स्कूल विरुद्ध सेंट झेव्हियर्स हायस्कूल यांच्यात झाला. यात चंदा देवी सराफ स्कूलने १६ गुणांनी (४४-२८) विजय मिळविला. तिसऱ्या स्थानासाठी झालेल्या सामन्यात माउंट कार्मेल स्कूल (४८)ने डीडी नगर विद्यालयाचा (३७) ११ गुणांनी पराभव केला.

विजेत्यांना माजी महापौर दयाशंकर तिवारी यांच्या हस्ते पुरस्कार प्रदान करण्यात आले. यावेळी खासदार क्रीडा महोत्सवाचे सहसंयोजक संदेश खरे, चेतराम हारोडे, सोनाली मोकासे, रीना चौबे, हरीश चौबे आदी उपस्थित होते.

Contact us for news or articles - dineshdamahe86@gmail.com

Next Post

हुतात्मांना मनपा तर्फे विनम्र अभिवादन

Fri Jan 31 , 2025
नागपूर :- भारताच्या स्वातंत्र्याकरीता असंख्य देशभक्तांची प्राणार्पंण केले अशा हुतात्मा देशभक्तांचे स्मरण करुन तसेच राष्ट्रपिता महात्मा गांधी यांच्या पुण्यतिथी निमित्त दोन मिनिट मौन पाळून हुतात्मा दिनानिमित्त नागपूर महानगरपालिकेतर्फे अभिवादन करण्यात आले. मनपा मुख्यालयामध्ये महात्मा गांधी यांच्या तैलचित्राला तसेच थोर हुतात्म्यांच्या तैलचित्राला पुष्प अर्पण करुन मनपा आयुक्त तथा प्रशासक डॉ. अभिजीत चौधरी यांनी अभिवादन केले. याप्रसंगी उपायुक्त विजया बनकर, सहायक आयुक्त  […]

You May Like

Latest News

The Latest News

Social Media Auto Publish Powered By : XYZScripts.com
error: Content is protected !!