संदीप कांबळे, विशेष प्रतिनिधी
27 कोटी 33 लक्ष 95 हजार 832 रुपयाची तडजोड रक्कम वसूल
कामठी ता प्र 22:- दाखलपूर्व आणि प्रलंबित खटल्यांचा जलद निपटारा व्हावा आणि प्रलंबित खटले सामोपचाराने मिटावेत या हेतूने आज 22 मार्च ला कामठी तालुका
विधी सेवा समिती कामठी अंतर्गत दिवाणी व फौजदारी न्यायालय कामठी येथे आयोजित राष्ट्रीय लोक अदालत यशस्वीरीत्या पार पडली. या राष्ट्रीय लोक अदालतीत एकूण दोन पॅनल ठेवण्यात आले होते .पॅनल क्र 1 मध्ये दिवाणी व फौजदारी न्यायाधीश एम आर कामत त्याचबरोबर पॅनल क्र 2 मध्ये न्यायाधीश एस एस जाधव होते व पॅनल एडव्होकेट म्हणून रजनी गणवीर होत्या.
या लोक अदालतीत. वादपूर्व व दाखल अशी एकूण 689 प्रकरणे सामंजस्याने मिटविण्यात यश आले असल्याची माहिती कामठी न्यायालयातून प्राप्त झाली.. या लोक अदालत मध्ये न्यायालयांतील प्रलंबित प्रकरणे तसेच वादपूर्व प्रकरणे ठेवण्यात आली होती.
आयोजित केलेल्या राष्ट्रीय लोक अदालतीमध्ये न्यायालयात कामठी तालुक्यातील प्रलंबित असलेले प्रकरणांपैकी 231 प्रकरणे निकाली काढण्यात आली.या प्रकरणामध्ये एकूण 20 लक्ष 39 हजार 287 रुपयांची वसुली झाली तसेच खटला पूर्व प्रकरणामध्ये वादपूर्व प्रकरणातील बँक,ग्रामपंचायत व भारतीय दूरसंचार निगम यांची एकूण 974 प्रकरणे ठेवण्यात आली होती त्यातील या प्रकरणांपैकी 458 प्रकरणे निकाली काढून या प्रकरणामध्ये 27 कोटी 13 लक्ष 56 हजार 545 रुपयांची तडजोड वसुली करण्यात आली .अशी एकूण 689 प्रकरणे सामंजस्याने मिटवून लोक अदालतीमध्ये एकूण 27 कोटी 33 लक्ष 95 हजार 832 रुपयांची वसुली करण्यात आली. या लोक अदालतीच्या यशस्वीतेसाठी कामठी तालुका वकील संघाचे सर्व वकील, न्यायालयीन कर्मचारी वर्ग ,व पोलीस कर्मचारी व पक्षकार यांनी मोलाचे योगदान दिले.
