वसतिगृहातील महिला व मुलींशी साधला संवाद, नागपूर जिल्ह्यातील वसतिगृहाची आदिती तटकरेंकडून पाहणी

नागपूर :- नागपूर जिल्ह्यातील ग्रामीण भागातील महिला व बाल विकास विभागाच्या अखत्यारित असणाऱ्या वसतिगृहांना आज राज्याच्या महिला व बालविकास मंत्री अदिती तटकरे यांनी भेट दिली. या ठिकाणी त्यांनी महिला व मुलींशी चर्चा करून अधिकाऱ्यांना आवश्यक सूचना दिल्या.

महिला व बालविकास मंत्री आदिती तटकरे यांनी आज काटोल रोड व कामठी रोडवरील शासकीय मुलींचे बालगृह, सरस्वती मतिमंद महिलांचे वसतीगृह, सखी वन स्टॉप सेंटर तसेच करूणा महिला बालगृह येथे भेट दिली.

तटकरे यांनी वसतीगृहातील महिला व मुलींच्या आरोग्याची देखभाल, सकस आहार, शाळा-कॉलेज मधील उपस्थिती, अनाथ मुलींना पालक मिळवून देण्यासाठी होत असलेले प्रयत्न याबाबत माहिती जाणून घेतली. शासकीय व विविध सामाजिक संस्थांच्या विविध उपक्रमात मुलींना सहभागी करून घेत त्यांना मानसिक, शारिरिक व शैक्षणिकदृष्ट्या सक्षम करण्याकडे लक्ष देण्याच्या सूचना त्यांनी दिल्या.

याप्रसंगी महिला व बालविकास विभागाच्या विभागीय आयुक्त अपर्णा कोल्हे, जिल्हा महिला व बालविकास अधिकारी भारती मानकर, वसतीगृहाच्या अधीक्षीका मनिषा आंबेडारे व एस.एस.मांडवेकर, जिल्हा बाल संरक्षण अधिकारी मुश्ताक पठाण आदि उपस्थित होते.

Contact us for news or articles - dineshdamahe86@gmail.com

NewsToday24x7

Next Post

हिवाळी अधिवेशन पूर्वतयारीचा आढावा घेण्यासाठी विधानपरिषद उपसभापती डॉ. नीलम गोऱ्हे आज नागपुरात

Tue Nov 28 , 2023
नागपूर :- विधिमंडळाचे हिवाळी अधिवेशन नागपूर येथे 7 डिसेंबर पासून सुरू होत असून या अधिवेशनाच्या पूर्वतयारीचा आढावा घेण्यासाठी विधानपरिषदेच्या उपसभापती डॉ. नीलम गोऱ्हे 28 नोव्हेंबर रोजी नागपुर येथे येत आहेत. त्यांचा दौरा कार्यक्रम पुढीलप्रमाणे राहील. दुपारी 12 वाजता नागपूर विमानतळ येथे आगमन व शासकीय निवासस्थानकडे प्रयाण. दुपारी 1 वाजता नागपूर विशेष पोलीस महानिरीक्षक व पोलीस अधीक्षक भंडारा यांच्या समवेत दोन्ही […]

You May Like

Latest News

The Latest News

Social Media Auto Publish Powered By : XYZScripts.com
error: Content is protected !!