-शिवराज्याभिषेक दिन सोहळा उत्साहात
नागपूर :- महाराष्ट्राचे आराध्यदैवत, हिंदवी स्वराज्य संस्थापक छत्रपती शिवाजी महाराज यांच्या 350 वा शिवराज्याभिषेकोत्सव दिन सोहळ्यानिमित्त नागपूर महानगरपालिकेच्या वतीने मनपा मुख्यालयातील छत्रपती शिवाजी महाराज यांच्या तैलचित्राला पुष्पहार अर्पण करून विनम्र अभिवादन करण्यात आले.
कार्यक्रमात सर्वप्रथम मनपा आयुक्त तथा प्रशासक डॉ. अभिजीत चौधरी यांनी छत्रपती शिवाजी महाराज यांच्या तैलचित्राला माल्यार्पण केले. तसेच उपमहापौर कक्षातील शिवराज्याभिषेक सोहळाच्या तैलचित्रास अभिवादन करीत पुष्प अर्पण केले.
याप्रसंगी अतिरिक्त आयुक्त आंचल गोयल, घनकचरा व्यवस्थापन विभाग प्रमुख तथा उपायुक्त डॉ. गजेंद्र महल्ले. वैद्यकीय आरोग्य अधिकारी डॉ. दीपक सेलोकर, अतिरिक्त वैद्यकीय आरोग्य अधिकारी डॉ. विजय जोशी, स.प्र.विचे सहाय्यक अधीक्षक राजकुमार मेश्राम, जनसंपर्क अधिकारी मनिष सोनी, रोहिदास राठोड, राजेश गजभिये यांच्यासह मनपाचे अधिकारी व कर्मचारी प्रामुख्याने उपस्थित होते.
