– ३० सप्टेंबर पर्यंत अर्ज करता येणार
नागपूर :- ‘छत्रपती शाहू महाराज संशोधन प्रशिक्षण व मानव विकास संस्था’ पुणे, (सारथी) यांच्यातर्फे मोफत मधमाशी पालन प्रशिक्षणाकरिता ३० सप्टेंबर २०२४ पर्यंत कुणबी-मराठा या लक्षित गटातील विद्यार्थ्यांकडून अर्ज मागविण्यात येत आहेत.
या उपक्रमांतर्गत मराठा, कुणबी, कुणबी-मराठा, मराठा-कुणबी या लक्षित गटातील शेतकरी, युवक-युवतींना शैक्षणिक वर्ष २०२४-२५करिता अर्ज करता येणार आहे. सारथीच्या खर्चाने ‘केंद्रीय मधमाशी संशोधन,प्रशिक्षण संस्था पुणे व मध संचलनालय, महाबळेश्वर, सातारा’ या प्रशिक्षण संस्थांमार्फत प्रशिक्षण देण्यात येणार आहे.
या उपक्रमासंदर्भात विस्तृत माहिती सारथीच्या http://sarthi-maharashtragov.inया अधिकृत संकेतस्थळावर उपलब्ध असून अधिक माहिती www.kvic.org,in व www.mskvib,org या संकेतस्थळांवर देण्यात आली आहे. या संधीचा फायदा घेत लक्षित गटातील जास्तीत-जास्त विद्यार्थ्यांनी या उपक्रमात सहभागी होण्याचे आवाहन, नागपूर सारथीचे उपव्यवस्थापकीय संचालक तथा उपविभागीय सुरेश बगळे यांनी केले आहे.
