संदीप कांबळे, विशेष प्रतिनिधी
कामठी ता प्र 24:-आजच्या स्पर्धात्मक युगात खरीप पिकावरील कीड रोग टाळण्यासाठी सर्व शेतकऱ्यांनी बीज प्रक्रियेवर भर देऊन पेरणी करावी असे आवाहन कामठी तालुका कृषी अधिकारी मंजुषा राऊत यांनी कामठी तालुक्यातील आजनी व गादा गावात कृषी विभागातर्फे आयोजित बीज प्रक्रिया कार्यक्रमात व्यक्त केले
कामठी तालुक्यातील आजनी व गादा गावातील शेतकऱ्यांना सिंजेंटा कंपनी चे प्रतिनिधीनी सिड ड्रेसिंग ड्रम द्वारे बीज प्रक्रिया करून दाखविण्यात आली.दरम्यान बीज प्रक्रियेकरिता कृसर कीटकनाशक औषध बियाणे लावून देण्यात आले.यानुसार 45 क्विंटल बियाणे ला बीज प्रक्रिया करण्यात आली.
याप्रसंगी कामठी पंचायत समितीचे सभापती उमेश रडके, कामठी तालुका कृषी अधिकारी मंजुषा राऊत, कृषी अधिकारी नंदनवार, मंडळ कृषी अधिकारी वैराग देशमुख, कृषी पर्यवेक्षक कामठी 1,एस आर ठाकरे,कृषी पर्यवेक्षक कामठी 2 तसेच मोठ्या संख्येत शेतकरी वर्ग उपस्थित होते.
शेतकऱ्यांनी बीजप्रक्रियेवर भर द्यावा-तालुका कृषी अधिकारी मंजुषा राऊत
Contact us for news or articles - dineshdamahe86@gmail.com