नागपूर, ता. १४ : भारतीय संविधानाचे शिल्पकार भारतरत्न डॉ. बाबासाहेब आंबेडकर यांच्या जयंतीनिमित्त मनपा केंद्रीय कार्यालयातील प्रशासकीय इमारतीच्या दालनात आयुक्त तथा प्रशासक राधाकृष्णन बी. यांनी बाबासाहेबांच्या तैलचित्राला पुष्पहार अर्पण करून अभिवादन केले. 
यावेळी उपायुक्त निर्भय जैन, उपायुक्तरवींद्र भेलावे, उपायुक्त अशोक पाटील, उपायुक्त विजय हुमने, मुख्य अग्निशमन अधिकारी राजेंद्र उचके आदी उपस्थित होते.
याशिवाय आयुक्त तथा प्रशासक राधाकृष्णन बी. यांनी संविधान चौकात डॉ. बाबासाहेब आंबेडकर यांच्या पुतळ्याला पुष्पहार अर्पण केले. यावेळी त्यांच्यासमवेत अतिरिक्त आयुक्त राम जोशी होते.
