नागपूर,दि.19 : स्वातंत्र्याचा अमृत महोत्सवानिमित्त जिल्हा माहिती कार्यालय निर्मित ‘वेबचर्चा संवाद’ कार्यक्रमात जिल्हाधिकारी आर. विमला यांची ‘स्वातंत्र्योत्तर भारत व साथरोग नियंत्रणात प्रशासनाची भूमिका’ या विषयावर विशेष मुलाखत प्रसारीत होणार आहे.
ही मुलाखत https://youtu.be/zw83DU23sSA या मोबाईल लिंकवर गुरुवार दिनांक 20 जानेवारी 2022 रोजी सायंकाळी 4 वाजता प्रसारीत होईल.
जिल्हाधिकारी कार्यालयाच्या मार्गदर्शनात जिल्हा माहिती कार्यालय व महाआयटी यांच्यामार्फत या कार्यक्रमाचे आयोजन करण्यात आले आहे. हा कार्यक्रम यु-टयुब, वेबेक्स व फेसबुकवर लाईव्ह असणार आहे. दुपारी 4 वाजता सुरु होणाऱ्या अर्ध्यातासाच्या चर्चेत काही प्रश्न विचारता येईल. यासाठी वेबेक्स लिंक जाहीर केली जाणार आहे.
स्वातंत्र्योत्तर भारत व साथरोग नियंत्रणात प्रशासनाची भूमिका या विषयांवर सविस्तर मार्गदर्शन जिल्हाधिकारी आर. विमला या कार्यक्रमातून देणार आहेत. या कार्यक्रमाचा लाभ नागरिकांनी घ्यावा, असे आवाहन प्रशासनाने केले आहे.
