नागपूर:-भोंसला मिलिटरी स्कूल, नागपूरच्या बॉक्सर्सनी शालेय स्तरावरील स्पर्धांच्या विभागीय बॉक्सिंग आखाड्यात आपली दमदार कामगिरी सुरू ठेवली. जिल्हा चॅम्पियनशिपमध्ये पदक मिळवलेल्या 17 बॉक्सर्सपैकी, 10 सुवर्णपदक विजेते बॉक्सर्स डीएसओ, चंद्रपूर यांनी 26 ते 28 डिसेंबर 22 या कालावधीत आयोजित केलेल्या विभागीय आंतरशालेय बॉक्सिंग स्पर्धेत सहभागी झालेत.
या स्पर्धेत शाळेच्या विद्यार्थ्यानी पाच (05) सुवर्ण पदके, दोन (02) रौप्य पदके आणि एक (01) कांस्य पदक मिळवून एकूण आठ (08) पदक प्राप्त केले. कॅडेट मंथन कोल्हे, कॅडेट रोहित खैरवार, कॅडेट आदर्श केचे, कॅडेट सुमित भिसे आणि कॅडेट तेजस पेंदाम अशी सुवर्णपदक विजेत्याची नावे आहेत; रौप्यपदक विजेते कॅडेट हर्षित भोयर आणि कॅडेट नोव्हिल भांडारकर आहेत तर कांस्यपदक विजेता कॅडेट लिकेश यादव आहे.
शालेय व्यवस्थापनाने बॉक्सर आणि त्यांचे प्रशिक्षक सुभेदार जगदीश दिघे आणि अनिल साळवी यांचे या कामगिरीबद्दल कौतुक केले आणि सुवर्णपदक विजेत्यांना त्यांच्या जानेवारी 2023 मध्ये होणाऱ्या राज्यस्तरीय स्पर्धेसाठी शुभेच्छा दिल्या.