रामटेक :- आकाश झेप फाउंडेशन रामटेक द्वारा संचालित आम्ही भारतीय अभियान अंतर्गत नुकतेच 15 ऑगस्ट ला शहरातील गांधी चौकामध्ये महारक्तदान, देहदान, अवयदान संकल्प व नोंदणी शिबिर पार पडले. या शिबिरात किरणापुर ( काचुरवाही ) येथील भीम शाहीर प्रदीप बागवान कडबे यांनी रक्तदान करून स्वातंत्र्य दिन साजरा केला. त्यानिमीत्ताने कडबे यांचा पुष्पगुच्छ तथा प्रमाणपत्र देऊन जाहीर सत्कार करण्यात आला.
शिबिराची सुरुवात आकाशझेप फाउंडेशन चे अध्यक्ष अरविंद दुनेदार तथा सचिव साक्षोधन कडबे तथा इतर मान्यवरांनी भारतरत्न डॉक्टर बाबासाहेब आंबेडकर, महात्मा ज्योतिबा फुले, शाहू महाराज, साहीत्य रत्न अन्नाभाऊ साठे यांच्या प्रतिमांचे पूजन करून तथा दिप प्रज्वलन करून केली. शिबीरात शाहीर प्रदीप कडबे व प्रविण चटवापाच यांनी स्वातंत्र्याच्या स्मरणार्थ ‘मी करणार रक्तदान अन् तुम्ही पण करा ‘ असे उपस्थितांना संबोधिले. कार्यक्रमाला उपस्थितांमध्ये दिलीप पवार, वैभव तुरक, सुमेध गजभिये, प्रविण चटवापाच यांचेसह आम्ही भारतीय अभियानचे सर्व संचालक, मान्यवर व नागरीक उपस्थित होते.
