संदीप कांबळे,विशेष प्रतिनिधी
कामठी ता प्र 18 :- कामठी तालुक्यातील 27 ग्रामपंचायती च्या थेट जनतेतून सरपंच व सदस्यपदाच्या निवडणुकीसाठी निवडणूक निर्णय अधिकारी तहसीलदार अक्षय पोयाम यांच्या नेतृत्वात आज 18 डिसेंबर ला सकाळी साडे सात ते सायंकाळी 5.30वाजेपर्यंत 122 मतदान केंद्रावर अंदाजे 80 टक्के निवडणूक मतदान योग्यरीत्या पार पडले. असून सरपंच पदाचे 90 उमेदवार तसेच सदस्य पदाचे एकूण 620 उमेदवार असे एकूण 710 उमेदवारांचे भाग्य ईव्हीएम मशीन मध्ये बंद झाले असून मतमोजणी 20 डिसेंबर ला कामठी तहसील कार्यालयात केली जाणार असून या निवडणूक निकालातूनच 27 सरपंच व 247 सदस्य पदांची निवड होणार आहे. 
या निवडणुकीत एकूण 68 हजार 185 मतदार मतदानाचा समावेश होता ज्यामध्ये एकूण पुरुष मतदान 34 हजार 674 तर स्त्री मतदान 33 हजार 509 आहेत तर 2 तृतीयपंथी मतदारांचा समावेश होता यातील 80 टक्के मतदारांनी स्वयंस्फूर्तने मतदान केले. प्रत्येक मतदान केंद्रावर एक मतदान केंद्राध्यक्ष , तीन मतदान केंद्र अधिकारी तसेच एक पोलीस कर्मचारी तसेच एक होमगार्ड ची व्यवस्था करण्यात आली असून यानुसार 610 मतदान केंद्र कर्मचारीची नियुक्ती करण्यात आली होती.
आज 18 डिसेंबर ला पार पडलेल्या 27 ग्रामपंचायतीच्या थेट जनतेतून निवड होणाऱ्या 27 सरपंच पदाच्या निवडणुकीसाठी 90 उमेदवार निवडणूक रिंगणात होते तर 93 प्रभागातील 247 सदस्य पदाच्या निवडीसाठी 620 उमेदवार निवडणूक रिंगणात होते .यानुसार एकूण 710 उमेदवार निवडणूक रिंगणात होते. .27 ग्रामपंचायत असलेल्या ग्रामपंचायत निवडणुकित तालुक्यातील सर्वात मोठी ग्रामपंचायत मानल्या जाणाऱ्या येरखेडा ग्रामपंचायत च्या निवडणुकीत थेट जनतेतून होणाऱ्या सरपंच पदाच्या निवडीसाठी अनुसूचित जाती सर्वसाधारण प्रवर्गातून पाच उमेदवार तर खैरी ग्रा प च्या सर्वसाधारण स्त्री प्रवर्गातून 5 उमेदवार,रणाळा ग्रा प च्या नागरिकांचा मागासवर्ग प्रवर्ग खुला प्रवर्गातून फक्त 2 उमेदवार, बिना ग्रा प च्या नामाप्र प्रवर्गातून 2 उमेदवार,भिलगाव सर्वसाधारण स्त्री प्रवर्गातून 03 उमेदवार खसाळा ग्रा प च्या सर्वसाधारण स्त्री प्रवर्गातून 05 उमेदवार,सुरादेवी ग्रा प च्या अनुसूचित जाती स्त्री प्रवर्गातून 06,खापा ग्रा प च्या नामाप्र स्त्री प्रवर्गातून 02 उमेदवार,कढोली ग्रा प च्या सर्वसाधारण खुला प्रवर्गातून 04 उमेदवार, भोवरी ग्रा प च्या सर्वसाधारण खुला प्रवर्गातून 03 उमेदवार, आजनी ग्रा प च्या नामाप्र खुला प्रवर्गातून 02 उमेदवार,लिहिगाव ग्रा प च्या अनुसूचित जाती स्त्री प्रवर्गातून 2 उमेदवार,कापसी(बु)सर्वसाधारण स्त्री प्रवर्गातून 2 उमेदवार, गादा ग्रा प च्या सर्वसाधारण खुला प्रवर्गातून 06 ,सोनेगाव ग्रा प च्या सर्वसाधारण स्त्री प्रवर्गातून 03 ,गुंमथी ग्रा प च्या सर्वसाधारण स्त्री प्रवर्गातून 03,आवंढी ग्रा प च्या अनुसूचित जाती खुला प्रवर्गातून 02,गुमथळा नामाप्र स्त्री प्रवर्गातून 03,तरोडी(बु) ग्रा प च्या सर्वसाधारण स्त्री प्रवर्गातून 03,परसाड ग्रा प च्या नामाप्र खुला प्रवर्गातून 03,जाखेगाव ग्रा प च्या नामाप्र स्त्री प्रवर्गातून 03,केम ग्रा प च्या सर्वसाधारण खुला प्रवर्गातून 02,दिघोरी ग्रा प च्या सर्वसाधारण खुला प्रवर्गातून 02,आडका ग्रा प च्या सर्वसाधारण खुला प्रवर्गातून 04 ,शिवणी ग्रा प च्या सर्वसाधारण स्त्री प्रवर्गातून 03,भुगाव ग्रा प च्या अनुसूचित जाती खुला प्रवर्गातून 04 तर वडोदा ग्रा प च्या सर्वसाधारण खुला प्रवर्गातून 06 उमेदवार निवडणूक रिंगणात होते तर 93 प्रभागातील 247 सदस्य पदासाठी 620 उमेदवार निवडणूक रिंगणात होते .मात्र आजनी ग्रा प च्या अनुसूचित जमाती स्त्री व नागरिकांचा मागासवर्ग स्त्री प्रवर्गातील प्रत्येकी एका उमेदवारांच्या विरोधात दुसरे कुणीही प्रतिस्पर्धी उमेदवार नसल्याने त्या दोन्ही महिला उमेदवार बिनविरोध निवडुन आल्या आहेत.
बॉक्स-आज पार पडलेल्या सरपंच पदाचा निवडणुकीचा विचार केला असता कामठी तालुक्यातील 27 ग्रा प पैकी 9 ग्रा प मध्ये थेट लढत दिसून आली.ज्यामध्ये कापसी ग्रा प निवडणुकीत सरपंच पदाचे सर्वसाधारण स्त्री प्रवर्गातील उमेदवार तुळसा शेंदरे विरुद्ध शिला हटवार,लिहिगाव ग्रा प मध्ये अनुसूचित जाती स्त्री प्रवर्गातून अस्मिता खांडेकर विरुद्ध संध्या मेश्राम,खापा ग्रा प मध्ये नामाप्र स्त्री प्रवर्गातून मनीषा ठाकरे विरुद्ध आशा मदन राजूरकर,दिघोरी ग्रा प मध्ये सर्वसाधारण प्रवर्गातून सोनू काळे विरुद्ध सुनील डाफ, बिना ग्रा प मध्ये नामाप्र प्रवर्गातील वामन भडंग विरुद्ध नारायण भडंग,केम ग्रा प मध्ये सर्वसाधारण प्रवर्गातून माजी उपसरपंच अतुल बाळबुधे विरुद्ध विठ्ठल महल्ले,आवंढी ग्रा प मध्ये अनु जाती प्रवर्गातून प्रीतम चंदनखेडे विरुद्ध जगदीश पौणिकर,आजनी ग्रा मध्ये नामाप्र प्रवर्गातून संजय जीवतोडे विरुद्ध बेनिराम विघे तर रणाळा गावात नामाप्र प्रवर्गातील देवेंद्र मोहोड विरुद्ध पंकज साबळे मध्ये काट्याची लढत होती तर येरखेडा ग्रा प मध्ये कांग्रेसप्रणित उमेदवार सरिता रंगारी विरुद्ध भाजप प्रणित उमेदवार राजकीरण बर्वे मध्ये थेट लढत दिसून आली.
