अमरदिप बडगे, प्रतिनिधी
– भजेपार शिवारातील घटना
तिरोडा – तालुक्यातील भजेपार शिवारात अमोरा समोर दुचाकीने दुचाकीला दिलेल्या धडकेत एकाचा जागीच ठार तर तीनजण गंभीर जखमी झाल्याची दुदैवी घटना आज दुपारी 2 वाजे दरम्यान घडली आहे.
अविनाश लटेय्या वय 25 वर्ष राहणार भजेपार मोटरसायकल क्रमांक MH 35 AC 2049 ने होता ही धडक इतकी जोरदार होती की यांचा जागीच मृत्यू झाला आहे .तर दुसरी मोटारसायकल क्रमांक MH 35 AQ 8546 ने शुभम येवनकर वय 22 वर्षे, जयदेव येवनकर वय 46 वर्षे तर मेचनबाई महादेव येवनकर वय 55 वर्षे हे तिघे एका मोटारसायकल वर होते. हे सर्व भजेपार रहिवाशी असुन ते गंभीर जखमी झाले आहेत. यांना उपचारासाठी उपजिल्हा रुग्णालय तिरोडा येथे नेण्यात आले असून त्यांच्यावर सध्या उपचार सुरू आहेत. घटनेची माहिती मिळताच तिरोडा पोलिस घटनास्थळी दाखल झाले असून पुढील तपास करीत आहेत.
