संदीप कांबळे, विशेष प्रतिनिधी
कामठी :- निराधार व्यक्तींना आर्थिक अडचण जाऊ नये या उद्देशाने केंद्र व राज्य शासनाकडून विविध अर्थसहाय्य योजना राबविण्यात येतात. कामठी तालुक्यात 22 हजार च्या जवळपास लाभार्थी निराधार योजनेचा लाभ घेत असून यासाठी महिण्याकाठी 2 कोटी 11 लक्ष 88 हजार रुपये अनुदान कामठी तालुक्याला मिळत आहे.
या योजनेची अंमलबजावणी कामठी तहसील प्रशासनाच्या माध्यमातुन केली जात असून कामठी तालुक्यात संजय गांधी निराधार योजनेचे 22 हजार च्या जवळपास लाभार्थी आहेत यामध्ये इंदुरा गांधी निराधार योजना चे 8 हजार 254 लाभार्थी,श्रावणबाळ योजनेचे 11 हजार 60 लाभार्थी,इंदिरा गांधी वृद्धपकाळ योजनाचे 1843 लाभार्थी,तसेच इंदिरा गांधी विधवा योजना,इंदिरा गांधी अपंग योजना,संजय गांधी अनुसूचित जाती, अनूसुचित जमाती योजना आदीं योजनेच्या लाभार्थीचा समावेश आहे.
