भंडारा, दि. 15 : युवकांना विविध क्षेत्रांतील माहिती सोबतच मार्गदर्शन व करिअर निवडतांना घ्यायची दक्षता आणि स्पर्धेच्या युगात विषयानुसार अभ्यासाचे नियोजन इत्यादी विषयासह मार्गदर्शन व समुपदेशन करण्यात आले.
नेहरू युवा केंद्र भंडारा तर्फे ब्राससिटी करियर अकॅडमी येथे नुकताच करियर गायडन्स कौन्सिलिंग कार्यक्रम आयोजित करण्यात आला होता. सावित्रीबाई फुले यांच्या फोटोला माल्यार्पण व दीप प्रज्वलन करून कार्यक्रमाची सुरूवात करण्यात आली. कार्यक्रमाला नेहरू युवा केंद्र भंडारा जिल्हा युवा अधिकारी हितेंद्र वैद्य, जिल्हा सामान्य रुग्णालय भंडारा (ART) चे समुपदेशक सुरेश ठाकरे, समर्पण ब्लड बँक भंडारा समन्वयक संदीप साखरवाडे, श्रीकांत कुरंजेकर, रीना हटवर नेहरू युवा केंद्र भंडाराची राष्ट्रीय स्वयंसेवक अतुल गेडाम, गोयल मेश्राम, स्नेहल वैद्य उपस्थित होते.
