नागपूर, ता. ०१ : स्वच्छ भारत अभियान अंतर्गत नागपूर महानगरपालिकेच्या उपद्रव शोध पथकाने शुक्रवारी (ता.१) रोजी ०३ प्रतिष्ठानांवर कारवाई करून ३० हजार रुपयांचा दंड वसूल केला. मनपा आयुक्त राधाकृष्णन बी यांच्या मार्गदर्शनात धरमपेठ झोनच्या उपद्रव शोध पथकाद्वारे प्रतिबंधित प्लास्टिक पिशवी संदर्भात कारवाई करण्यात आली. पथकाने धरमपेठ झोन अंतर्गत मेन रोड सीताबर्डी येथील बालाजी गारमेंट या दुकानांवर प्लास्टिक पिशवीच्या वापर केल्याबद्दल कारवाई करून १० हजार रुपयांचा दंड वसूल केला. तसेच नेताजी हाऊसिंग सोसायटी, काटोल रोड येथील चिराग बिल्डर्स यांच्याविरूध्द रस्त्यालगत बिल्डींगचे मटेरियल टाकल्याबाबत कारवाई करून १० हजार रूपयांचा दंड वसूल केला.
त्याचप्रमाणे धंतोली झोन अंतर्गत रामेश्वरी रोड येथील मेघना मेटल सर्विसेस यांच्याविरूध्द इलेक्ट्रीक खांबावर बॅनर आणि फलक लावल्याबद्दल कारवाई करून १० हजार रुपयांचा दंड वसूल केला. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.
