संदीप कांबळे, कामठी
कामठी ता प्र 21:- स्वातंत्र्यांचा अमृत महोत्सव अंतर्गत महाराष्ट्र शासन महिला व बाल कल्याण विभागा मार्फत कुपोषित, कमी वजनाच्या बालकांच्या आरोग्यात सुधारणा व्हावी या दृष्टीने संपूर्ण महाराष्ट्रात मिशन स्वस्थ बालक अंतर्गत स्वस्थ बालक बालिका स्पर्धा आज .21 मार्च पासून राबाविण्यात येत आहे. त्या अनुषंगाने कामठी तालुक्यांतर्गत येणाऱ्या अंगणवाडीमध्ये मिशन स्वास्थ बालक अंतर्गत स्वस्थ बालक बालिका स्पर्धा आयोजित करण्यात आली . त्यां अनुषंगाने कामठी तालुक्यातील येरखेडा येथील भूषण नगर अंगणवाडीमध्ये स्वस्थ बालक बालिका स्पर्धा घेण्यात आली.या स्पर्धेची सुरवात कामठी पंचायत समितीच्या गट विकास अधिकारी अंशुजा गराटे यांच्या हस्ते करण्यात आली. याप्रसंगी येरखेडा ग्रामपंचायतच्या सरपंच मंगला कारेमोरे, सहाय्यक गट विकास अधिकारी तथा बाल विकास प्रकल्प अधिकारी . प्रदीप गायगोले, आरोग्य विस्तार अधिकारी . मनिष दिघाडे, सर्व अंगणवाडी पर्यवेक्षिका, सदर अंगणवाडीच्या अंगणवाडी सेविका तथा बालकांचे पालक प्रामुख्याने उपस्थित होते.
