संदीप, कांबळे विशेष प्रतिनिधी
कामठी ता प्र 1 :- स्थानिक कामठी रेल्वे पोलीस स्टेशन हद्दीत येणाऱ्या कामठी रेल्वे स्थानकावर मालवाहकरेल्वे गाडी समोर एका अनोळखी इसमाने उडी घेऊन आत्महत्या करण्याचा प्रयत्न केला असता या घटनेत सदर अनोळखी इसमाला रेल्वेगाडीची धडक लागल्याने त्याच्या डोक्याला जबर मार लागल्याने गंभीर रित्या जख्मि झाला होता सुदैवाने जीवितहानी टळली होती तर वेळीच रेल्वे पोलीस अंमलदार यांनी त्वरित घटनास्थळ गाठून सदर जख्मि इसमाला पुढील उपचारार्थ नागपूरच्या ट्रामा सेंटर मेडिकल हॉस्पिटल नागपूर येथे हलविण्यात आले होते उपचारादरम्यान या अनोळखी जख्मि इसमाचा मृत्यू झाल्याची घटना काल दुपारी 12 दरम्यान घडली असून मृतकाची ओळख अजूनही पटलेली नव्हती.मात्र आता या मृतकाची ओळख पटली असून मृतक इसमाचे नाव प्रशांत सोनडवले वय 40 वर्षे रा यशोधरानगर कामठी असे आहे .
पोलिसांनी दिलेल्या माहितीनुसार सदर मृतक हा घटस्फोटित विवाहित असून पत्नी सोडून गेल्याने पत्नीच्या विरहात होता.याच नैराश्येची मानसिकता व आजारपना मुळे काही दिवसांपूर्वी घरून बाहेर पडला तर यासंदर्भात मृतकाच्या घरमंडळींनी नवीन कामठी पोलीस स्टेशन मध्ये मिसिंगची तक्रार नोंद केली होती .पोलीस शोधकामात व्यस्त असतानाच सदर मृतकाने कामठी रेल्वेस्थानकावर रेल्वेगाडीसमोर उडी घेऊन आत्महत्या केली.पोलिसांनी घटनेची नोंद केली असून पुढील तपास पोलीस अधिकारी संजय पिल्ले करीत आहेत.
