येरखेडा गाव अजूनही स्मशानभूमी विनाच!

संदीप कांबळे, विशेष प्रतिनिधी 

कामठी :- कामठी तालुक्यातील एकूण 77 गावांपैकी बहुधा गावात अजूनही स्मशानभूमी नसल्याने ग्रामस्थांना उघड्यावरच वा नदीच्या काठी अंत्यसंस्कार करावे लागत असल्याचे वास्तव आहे.यानुसार कामठी तालुक्यातील सर्वात मोठी ग्रामपंचायत मानल्या जाणाऱ्या येरखेडा गावासह गारला,सावळी, बिडगाव, कुसुम्बि, टेमसना,सुरादेवी व चिखली गावात अजूनही स्मशानभूमीची व्यवस्था नसल्याचे दिसून येते.

गरीब असो वा श्रीमंत कमी अधिक प्रमाणात जीवन जगण्यासाठी संघर्ष हा प्रत्येकाला करावाच लागतो परंतु काहींच्या मृत्यूनंतर हा संघर्ष थांबतो तर काहींना मृत्यूनंतरही अंत्यसंस्कारासाठी सुद्धा संघर्ष सुरूच ठेवावा लागतो याचा प्रत्यक्ष अनुभव स्मशानभूमी नसलेल्या व नदी वा तुटलेल्या स्मशान शेड मध्ये केलेल्या अंत्यसंस्कारित नातेवाईकांना आला आहे.स्मशानभूमी नसलेल्या गावात स्मशान भूमी ची व्यवस्था नसल्याने मृत व्यक्तीवर उघड्यावर अंत्यसंस्कार करावे लागतात अशातच गावातील एखाद्या व्यक्तीचा मृत्यू पावसाळ्यात पाऊस सुरू असताना झाल्यास अंत्यसंस्कार करतेवेळी कुटुंबियांना व नातेवाईकाना एका फार मोठ्या दिव्याला सामोरे जावे लागते .तेव्हा प्रशासनाने जीवनातील संघर्ष भोगल्या नंतर मृत्य नंतरच्या मरणयातना थांबविण्यासाठी ग्रामीण भागातील गावागावात स्मशानभूमी उभारण्याची व त्यासाठी भरीव निधीची तरतूद करण्याची गरज आहे असे झाले तरच ग्रामीण भागातील नागरिकांचे अंत्यसंस्कार सोयीने पार पाडता येतील.

कामठी तालुक्यातील येरखेडा गावाच्या विकासासाठी शासनाकडून कोटीच्या घरात निधी प्राप्त झाला आहे मात्र आज इतके वर्षे लोटूनही गावात स्मशान भूमीची व्यवस्था करू शकले नाही ही एक शोकांतिकाच मानावी लागेल..

Contact us for news or articles - dineshdamahe86@gmail.com

NewsToday24x7

Next Post

मुख्यमंत्री, उपमुख्यमंत्र्यांच्या उपस्थितीतील राज्य शिखर समितीच्या बैठकीत पंढरपूर मंदिर विकास, अक्कलकोट तीर्थक्षेत्र विकास आराखड्यास मान्यता

Tue May 23 , 2023
गर्दी होणाऱ्या मंदिरांचे डिजिटल मॅपिंग करावे : मुख्यमंत्री एकनाथ शिंदे पंढरपूर शहरातील रस्त्यांच्या डागडुजीसाठी नगरविकास विभागाकडून १० कोटी रुपयांचा निधी मुख्यमंत्री एकनाथ शिंदे यांची घोषणा मुंबई :- राज्यातील ज्या मंदिर, देवस्थानांमध्ये भाविकांची मोठ्या प्रमाणात गर्दी होते त्यांचे डिजिटल मॅपिंग करण्यात यावे. जेणेकरून भाविकांना अधिकाधिक चांगल्या सोयीसुविधा उपलब्ध करून देणे शक्य होईल. आषाढी यात्रेच्या पार्श्वभूमीवर पंढरपूर शहरातील सर्व रस्त्यांची दुरूस्ती करण्यात […]

You May Like

Latest News

The Latest News

Social Media Auto Publish Powered By : XYZScripts.com