संदीप कांबळे, विशेष प्रतिनिधी
कन्हान : – कन्हान शहर विकास मंचद्वारे जागतिक महिला दिवस, छत्रपती शिवाजी महाराज जयंती तिथीनुसार , क्रांतीज्योती सावित्रीबाई फुले स्मृति दिवसा निमित्य संयुक्त कार्यक्रमाचे आयोजन करुन महिला पोलीस कर्मचारी, डॉक्टर, नर्स यांना पुष्पगुच्छ, नोटबुक, पेन देऊन सत्कार करुन कार्यक्रम थाटात साजरा करण्यात आला .
शुक्रवार (दि.१०) मार्च ला कन्हान शहर विकास मंचद्वारे जागतिक महिला दिवस, छत्रपती शिवाजी महाराज जयंती तिथीनुसार, क्रांतीज्योती सावित्रीबाई फुले स्मृति दिवसाचे औचित्य साधुन संयुक्त कार्यक्रमाचे आयोजन गांधी चौक कन्हान येथे करण्यात आले. कार्यक्रमास प्रामुख्याने उपस्थित मंच संस्थापक अध्यक्ष ऋषभ बावनकर यांच्या हस्ते राजमाता जिजाऊ , छत्रपती शिवाजी महाराज , क्रांतीज्योती सावित्रीबाई फुले यांच्या प्रतिमेला पुष्पहार अर्पण आणि दीप प्रज्वलित करुन कार्यक्रमाची सुरूवात करण्यात आली . या प्रसंगी प्रामुख्याने उपस्थित मंच मार्गदर्शक भरत सावळे, प्रभाकर रुंघे, ताराचंद निंबाळकर यांनी महापुरुषांच्या जीवनावर प्रकाश टाकुन उपस्थितांना मार्गदर्शन केले . त्यानंतर कन्हान पोलीस स्टेशन येथे पोलीस निरीक्षक प्रमोद मकेश्वर आणि महिला पोलीस कर्मचारी यांना पुष्पगुच्छ, नोटबुक, पेन देऊन सत्कार करण्यात आला. तसेच प्राथमिक आरोग्य केंन्द्र येथे जाऊन डॉ. तेजस्वीनी गोतमारे, डॉ चौधरी मॅडम सह उपस्थित नर्स यांना पुष्पगुच्छ, नोटबुक, पेन देऊन सत्कार करुन कार्यक्रम थाटात साजरा करण्यात आला .
कार्यक्रमाचे सुत्र संचालन आणि आभार प्रदर्शन हरिओम प्रकाश नारायण यांनी केले.
कार्यक्रमाच्या यशस्विते करिता कन्हान शहर विकास मंच संस्थापक अध्यक्ष ऋषभ बावनकर, मार्गदर्शक भरत सावळे, प्रभाकर रुंघे, ताराचंद निंबाळकर, योगराज आकरे, हरीओम प्रकाश नारायण, हर्षल नेवारे, रवि महाकाळकर, वसंतराव उरकुडे, प्रकाश कुर्वे, मुकेश गंगराज, ओमप्रकाश शेंडे सह मंच पदाधिकारी व सदस्य हयानी उपस्थित राहुन सहकार्य केले.