सेवा पंधरवाड़ा अंतर्गत मनपाची विशेष शिबिरे प्रत्येक झोनमधे होणार सेवा शिबिर

चंद्रपूर :-  झिरो पेंडसी अभियानातंर्गत चंद्रपूर महानगरपालिकेतर्फे प्रत्येक झोन क्षेत्रात विशेष शिबीर लावले जाणार आहे. २७ ते २९ सप्टेंबर दरम्यान हे शिबीर आयोजीत केले जाणार असुन नागरीकांना विविध योजनांच्या सेवा एकाच जागी मिळणार आहेत.

२७ सप्टेंबर रोजी झोन १ चे शिबीर तुकूम येथील स्वामी समर्थ बगीचा, धांडे हॉस्पीटल जवळ येथे, झोन २चे शिबीर २८ सप्टेंबर रोजी आझाद गार्डन येथे तर झोन ३ चे शिबीर २९ सप्टेंबर रोजी झोन ३ कार्यालय परिसरात आयोजीत केले जाणार आहे. या विशेष शिबिरात शासनाच्या विविध योजना जसे पंतप्रधान स्वनिधी योजना, प्रधानमंत्री आवास योजना, रमाई आवास योजना, एकल खिडकी, विवाह नोंदणी, जन्म – मृत्यु प्रमाणपत्र, मालमत्ता कर, बचतगट कर्ज, दिव्यांग ओळखपत्र, आरोग्य शिबीर, रेन वॉटर हार्वेस्टींग प्रमाणपत्र, नवीन नळ जोडणी इत्यादींशी प्रलंबित प्रकरणांचे निराकरण केले जाणार आहे.

राज्य शासनाच्या सुचनेनुसार १७ सप्टेंबर ते २ ऑक्टोबर या कालावधीत ‘राष्ट्रनेता ते राष्ट्रपिता’ सेवा पंधरवडा साजरा करण्यात येणार आहे. या अंतर्गत १० सप्टेंबर २०२२ पर्यंत चंद्रपूर महानगरपालिकेच्या विविध विभागांकडे जर नागरिकांचे काही प्रलंबित अर्ज, तक्रारी असतील तर ते लवकर निकाली काढण्यात येणार आहेत. तसेच संबंधित विभागाच्या पोर्टलवर प्रलंबित असलेले अर्ज, विविध माध्यमातुन प्राप्त झालेल्या तक्रारी १० सप्टेंबर २०२२ पर्यंत १०० टक्के निकाली काढण्याच्या दृष्टीने मनपाच्या सर्वच विभागांनी काम सुरु केले आहे.

Contact us for news or articles - dineshdamahe86@gmail.com

NewsToday24x7

Next Post

सेठ केसरीमल पोरवाल महाविद्यालयात राष्ट्रीय सेवा योजना वर्धापन दिवस थाटात संपन्न.

Sat Sep 24 , 2022
संदीप कांबळे, विशेष प्रतिनिधी  कामठी :-  24 सप्टेंबर 2022 रोजी सेठ केसरीमल पोरवाल महाविद्यालयाच्या राष्ट्रीय सेवा योजना विभागाच्या वतीने ‘राष्ट्रीय सेवा योजना वर्धापन दिवस ‘ प्रचंड विद्यार्थ्यांच्या उपस्थितीत साजरा करण्यात आला. ह्या कार्यक्रमाची सुरुवात दीपप्रज्वलन आणि तुकडोजी महाराजांच्या प्रतिमेला पुष्पहार घालून करण्यात आली. या कार्यक्रमाला जवळपास 200 च्या वर विद्यार्थी उपस्थित होते. याप्रसंगी मंचावर महाविद्यालयाच्या प्राचार्य डॉ. रेणू तिवारी अध्यक्षस्थानी […]

You May Like

Latest News

The Latest News

Social Media Auto Publish Powered By : XYZScripts.com