संदीप कांबळे, विशेष प्रतिनिधी
कामठी ता प्र 19:-स्थानिक मौदा पोलिस स्टेशन अंतर्गत येणाऱ्या कामठी तालुक्यातील कढोली गावाच्या महामार्गावरून केळी ने लादून भरलेले साहित्य नागपूर कडे वाहून नेत असता ट्रकचालकाचे अचानक नियंत्रण सुटल्याने ट्रक पलटल्याने घडलेल्या गंभीर अपघातात ट्रकचालकाचा जागीच मृत्यू झाला तर ट्रक क्लिनर किरकोळ जख्मि झाल्याची घटना आज सकाळी 7 दरम्यान घडली असून मृतक ट्रकचालकाचे नाव मो अश्फाक अब्दुल जब्बार रा अचलपूर जिल्हा अमरावती असे आहे.
घटनेची माहिती मिळताच मौदा पोलिसांनी त्वरित घटनास्थळ गाठून घटनास्थळाचा पंचनामा करीत मृतदेह ताब्यात घेऊन पुढील उत्तरीय तपासणीसाठी मृतदेह नागपुर च्या शासकीय उपजिल्हा रुग्णालयात हलविण्यात आले.पोलिसांनी अपघाती ट्रक क्र एम एच 27 बी वाय 6555 जप्त करून घटनेची नोंद केली असून पुढील तपास सुरू आहे.