संदीप कांबळे, विशेष प्रतिनिधी
कन्हान :- राष्ट्रीय सफाई मजदुर काँग्रेस महाराष्ट्र प्रदेश महामंत्री गणेश नुन्हारे व महाराष्ट्र प्रदेश कार्याध्यक्ष जयंत सारवान हयानी नगरपरिषद कन्हान-पिपरी येथील स्थाई व अस्थाई सफाई मजदुरांची बैठक घेऊन नवनियुक्त कार्यकारणी घोषित करून कन्हान नगराध्यक्षा करूणा आष्टनकर हयाना भेटुन स्थाई व अस्थाई मजदुरांना न्याय देत सहकार्य करण्याची मागणी संघटनाव्दारे करण्यात आली.
बुधवार (दि.१९) ऑक्टोंबरला नगरपरिषद कन्हान-पिपरी येथे राष्ट्रीय सफाई मजदुर काँग्रेस चे महाराष्ट्र प्रदेश महामंत्री गणेश नुन्हारे व महाराष्ट्र प्रदेश कार्याध्यक्ष जयंत सारवान हयाच्या प्रमुख उपस्थित स्थाई व अस्थाई सफाई मजदुरांची बैठक संपन्न झाली. यात राष्ट्रीय सफाई मजदुर काँग्रेस नगर परिषद कन्हान अध्यक्ष अनिल भौगरे, कार्याध्यक्ष अकेंश टेंभुर्णे, उपाध्यक्ष बबीता चौहान, उपाध्यक्ष मनोज मधुमटके, सचिव महेश बढेल, सह सचिव साद्दिसा नागदेवे, संगठक अजय हातागडे, लता सोलंकी, कार्य कारणी सदस्य पंकज जुगेल, ओमप्रकाश परिहार, महादेव खोब्रागडे आदीची नियुक्ती करून कार्यकारणी घोषित करून नवनियुक्त पदाधिका-यांचे पुष्पगुच्छाने स्वागत करून अभिनंदन करण्यात आले. तदंतर नगर परिषद कन्हान नगराध्यक्ष करूणा अनिल आष्टन कर हयाना राष्ट्रीय सफाई मजदुर काँग्रेस चे महाराष्ट्र प्रदेश महामंत्री गणेश नुन्हारे यांच्या नेतुत्वात भेट घेऊन त्यांचे स्वागत करून स्थाई व अस्थाई मजदुरांना योग्य न्याय देत सहकार्य करण्याची मागणी करण्यात आली. असता आपल्या मागण्या ठरावात घेऊन मंजुर करण्याचे आश्वासन नगराध्यक्षा करूणा आष्टनकर हयांनी संघटनेच्या पदाधिका-यांना दिले. याप्रसंगी राष्ट्रीय सफाई मजदुर काँग्रेस नगरपरिषद कन्हानचे स्थाई व अस्थाई मजदुर प्रामुख्याने उपस्थित होते.