गुंठेवारी अंतर्गत वडगाव प्रभागातील बांधकामे नियमित करण्याची संधी, परवानगी न घेतल्यास कारवाईचे आयुक्तांचे निर्देश    

चंद्रपूर :- गुंठेवारी विकास अंतर्गत मौजा वडगाव प्रभागातील १० अभिन्यास मंजूर झाले असुन सदर सर्व्हे नंबर मधील भुखंड / बांधकाम धारकांनी लवकरात लवकर नियमित करून घ्यावे अन्यथा सदर बांधकामे अनधिकृत समजण्यात येऊन त्यावर कारवाई करण्यात येणार असल्याचे आयुक्त विपीन पालीवाल यांनी स्पष्ट केले आहे.  महाराष्ट्र गुंठेवारी विकास ( नियमाधीन करणे,श्रेणीवाढ व नियंत्रण ) अधिनियम २००१ अंतर्गत मौजा वडगाव प्रभागातील सर्वे नं वडगाव ५२/१,५२/२, वडगाव ४५/१ क, १६/१ पैकी, १५/१ अ, वडगाव १८, वडगाव ८१/३,वडगाव देवई -गोविंदपुर रै. १०७/५६ अ, वडगाव १८ पैकी, वडगाव ४५/१ अ, वडगाव १६/१ व १७ चे अभिन्यास मंजुर झालेले आहेत. यातील काही सर्व्हेनंबरमधील बांधकामांना यापुर्वी मनपातर्फे नोटीस बजावण्यात आल्या आहेत. मात्र अजूनही परवानगी घेण्यात आलेली नाही. सदर सर्व्हे नंबर मधील भुखंडधारकांना आपले भुखंड / बांधकाम महानगरपालिकेकडुन परवानगी घेऊन नियमित करण्याची ही संधी आहे. याचा लाभ घेण्याचे आवाहन महानगरपालीकेतर्फे करण्यात येत आहे.

बांधकाम परवानगीसाठी कागदपत्रांची पूर्तता ऑनलाईन करतांना येणाऱ्या समस्यांविषयी प्रॅक्टिसिंग आर्किटेक्टस अँड इंजिनिअर्स असोसिएशन चंद्रपूर यांच्या वतीने महानगरपालिकेला निवेदन देण्यात आले होते. निवेदनासंदर्भात बैठकीत परवानगी प्रकरणे लवकरात लवकर निकाली काढण्यासंबंधात सकारात्मक चर्चा करण्यात आली. तसेच ऑनलाईन प्रक्रिया सुरळीत होण्यासाठी सॉफ्टवेअर प्रशिक्षण शिबीर घेण्याचे आयुक्त यांनी निर्देश दिले.

Contact us for news or articles - dineshdamahe86@gmail.com

NewsToday24x7

Next Post

तराजू आणि वजनांची तपासणी करून घेण्याचे आवाहन

Fri Oct 14 , 2022
नागपूर :- फिरते व्यापारी, स्थानिक व्यापारी यांच्या वापरात असलेल्या लोखंडी तराजू, वजने, मापे व इलेक्ट्रॉनिक तराजू यांची त्वरित तपासणी करून घ्यावी. अन्यथा पंधरा दिवसानंतर दंडात्मक कारवाई करण्यात येणार असल्याचे वैधमापनशास्त्र विभागाचे सहनियंत्रक पां. मा. बिरादार यांनी कळविले आहे. तराजू, वजने व मापे यांची वार्षिक तपासणी करणे कायदे व नियमाप्रमाणे बंधनकारक आहे. कोणतेही नवीन वजन माप खरेदी अथवा दुरुस्ती वैधमापनशास्त्र विभागाच्या […]

You May Like

Latest News

The Latest News

Social Media Auto Publish Powered By : XYZScripts.com