संदीप कांबळे विशेष प्रतिनिधी
– जुनी कामठी पोलीस स्टेशन येथव मोफत रोग निदान शिबिराला उत्स्फूर्त प्रतिसाद
कामठी ता प्र 2 :- ‘सद्रक्षणाय-खलनिग्रहनाय’हे ब्रीद बाळगून जनसमान्यांसाठी सदैव तत्पर असणाऱ्या पोलिसांविषयी कृतज्ञता व्यक्त करीत त्यांच्या आरोग्याची काळजी करण्याच्या हेतूने ‘रक्षकांचे रक्षण ‘हि संकल्पना मनात हेरून येथील शिवराज्य प्रतिष्ठान ने एक पाऊल पुढे करीत 1 मे महाराष्ट्र दिनाचे औचित्य साधून जुनी कामठी पोलीस स्टेशन येथे पोलिसांसाठी एक दिवसीय मोफत रोग निदान शिबिराचे आयोजन करण्यात आले होते या शिबिराला पोलिसांनी उत्स्फूर्त प्रतिसाद दिला असून शेकडो च्या जवळपास पोलिसांनी मोफत रोग निदान शिबिराचा लाभ घेतला.
या शिबिरातून पोलिसांनी हिमोग्लोबिन,रक्तदाब,शुगर,बॉडी देतोक्सीकेशन,अग्नीकर्म ची तपासणी केली. याप्रसंगी जुनी कामठी पोलीस स्टेशन चे वरिष्ठ पोलीस निरीक्षक दीपक भिताडे,नवीन कामठी पोलीस स्टेशन चे पोलीस निरीक्षक कमलाकर गड्डीमे यासह सहपोलिस कर्मचाऱ्यांनी या मोफत रोग निदान शिबिराचा लाभ घेतला.शिबिराला डॉ नितीन आंबटकर व डॉ कमलेश शर्मा तसेच सह आरोग्य कर्मीच्या चमूने आरोग्य सेवा पुरविली.
शिबिराच्या यशस्वीतेसाठी शिवराज्य प्रतिष्ठान चे शिवभक्त पंकज नालेंद्रवार ,स्वप्नील रथकँटीवार, चंद्रशेखर तुप्पट, अश्विन पारसे, तुषार पारसे,ऋषी नानेट, रोहित टोहणे, सुमित शर्मा, नकुल ढोके, आयुष शेंडे व आदी शिवभक्तांनी मोलाचे परिश्रम घेतले.