नागपूर :- नागपूर शहराचे पोलीस आयुक्त यांनी दिनांक ०६.०३.२०२४ रोजी जारी केलेल्या आदेशान्वये पोलीस ठाणे हुडकेश्वर नागपूर चे हद्‌दीत शरीराविरूध्द व मालमत्लेविरूध्द गुन्हे करणारा कुख्यात गुंड नामे विशाल वल्द सुनिल चुन्नरचार, वय २६ वर्षे, रा. महात्मा गांधी नगर, हनुमान मंदिर जवळ, पोलीस ठाणे हुडकेश्वर, नागपूर, सध्या रा. भीडे यांचे घरी, नवनाथ सोसायटी, नवीन मनिष नगर, पोलीस ठाणे हुडकेश्वर, नागपूर, यास महाराष्ट्र झोपडपट्टीदादा, हातभट्टीवाले, औषधी द्रव्य विषयक गुन्हेगार, धोकादायक व्यक्ती, व्हीडीयो पायरेटस्, वाळु तस्कर आणि अत्यावश्यक वस्तुंचा काळा बाजार करणाऱ्या व्यक्ती यांच्या विघातक कृत्यांना आळा घालणे संबंधी अधिनियम १९८१ अंतर्गत दिनांक ०६.०३.२०२४ रोजी स्थानबध्द आदेश पारीत केला, त्यास दि. ०६.०३.२०२४ रोजी आदेशाची बजावणी करून नागपूर मध्यवर्ती कारागृहात ठेवण्यात आले आहे.
विशाल वल्द सुनिल चुन्नरवार, याचे विरुध्द पोलीस ठाणे हुडकेश्वर येथे खुनाचा प्रयत्न करणे, दरोडा मालणे, लोकसेवकाने रीतसर जारी केलेल्या आदेशाचे उल्लंघन करणे, इतरांचे जीवीतास किंवा व्यक्तीगत सुरक्षितता धोक्यात आणणारी कृती करणे, जबरी चोरी करणे, गैरकायदेशीर मंडळी जमवून दंगा करणे, अश्लिल भाषेत शिवीगाळी करणे, शांतता भंग करण्याच्या उ‌द्देशाने जाणिवपुर्वक अपमान करणे, आपराधिक जीवे ठार मारण्याची धमकी देणे, मालमत्तेचे नुकसान करणे, आपखुशीने प्राणघातक शस्त्रने दुखापत करणे, आपखुशीने दुखापत करणे, प्राणघातक शस्त्र जवळ बाळगणे, मनाई आदेशाने उल्लंघन करणे, इत्यादी मालमत्लेविरुध्दचे तसेच शरीराविरुध्दचे गंभीर स्वरूपाचे अनेक गुन्हे दाखल आहेत.
त्यामुळे त्याचेवर सन २०२० मध्ये हुडकेश्वर पोलीसांकडून कलम ११० (ई) (ग) सोआरपीसी अन्वये प्रतिबंधक कारवाई करण्यात आली होती. तरीसुध्दा तो गुन्हे करित असल्याने त्यास सन २०२२ मध्ये एमपीडीए कायदया अंतर्गत ०१ वर्षाकरिता स्थानबध्द करण्यात आले होते. त्यानंतर सन २०२३ मध्ये पोलीस ठाणे हुडकेश्वर अंतर्गत कलम ११० (ई) (ग) सीआरपीसी अन्वये प्रतिबंधक कारवाई करण्यात आली होती. परंतु त्याचेवर केलेल्या प्रतिबंधक कारवाईचा कोणताही परिणाम झाला नाही. अलीकडील काळात त्याने पोलीस ठाणे हुडकेश्वर हदीत, जबरी चोरी करणे, प्राणघातक शस्त्र जवळ बाळगणे, इत्यादी स्वरूपाचे गंभीर गुन्हे केलेले आहेत.
अशाप्रकारे धोकादायक व्यक्ती नामे विशाल वल्द सुनिल चुन्नरवार, याची अपराधीक कृत्ये निरंतर वाहत असल्याने आणि त्यामुळे सार्वजनिक सुव्यवस्थेस वाधा निर्माण होत असल्याने वरिष्ठ पोलीस निरिक्षक, पोलीस ठाणे हुडकेश्वर, नागपूर शहर यांनी नमुद आरोपीतास स्थानबध्द करण्याकरिता गुन्हे शाखेस प्रस्ताव सादर केला होता. गुन्हेशाखेतील एम.पी.डी.ए. विभागाने नमुद आरोपीला स्थानबध्द करण्याकरीता प्रस्ताव सादर केला. त्याअन्वये स्थानबध्द प्राधिकारी मा. पोलीस आयुक्त, नागपूर शहर यांचे समन्स सादर केले असता त्यांनी वर नमुद स्थानबध्द इसमाविरुध्द स्थानबध्दतेचा आदेश पारित करून त्यास छत्रपती संभाजीनगर कारागृह, हर्मुल येथे ठेवण्याबाबत आदेश दिलेत. त्याअन्वये वर नमुद इसमाविरूध्द स्थानबध्दतेची महत्वपुर्ण कारवाई करून त्यास सध्या नागपूर मध्यवर्ती कारागृहात ठेवण्या लपत आले आहे.
