नागपूर :- जिल्हा परिषदेतील आरोग्य विभागामध्ये “राष्ट्रीय आयुर्वेद दिवस” साजरा करण्यात आला. या कार्यक्रमांतर्गत जिल्ह्यामध्ये हर घर हर दिन आयुर्वेद याबाबत जनजागृती व तपासणी मुख्य कार्यकारी अधिकारी योगेश कुंभेजकर यांच्या मार्गदर्शनाखाली करण्यात आली.जिल्हास्तरीय कार्यक्रमांमध्ये आयुर्वेदाबद्दल महत्त्व वाढण्याचा संदर्भाने जिल्हा आरोग्य अधिकारी डॉ. दिपक सेलोकर यांनी मार्गदर्शन केले. या राष्ट्रीय आयुर्वेद दिवस कार्यक्रमांतर्गत जिल्ह्यातील सर्व वैद्यकीय अधिकारी (आयुष) यांनी आपले संस्थेमध्ये आयुर्वेदाचा प्रचार व प्रसार वाढवण्याबाबत प्रयत्न करावेत, असे त्यांनी सांगितले.
या कार्यक्रमाला अतिरिक्त जिल्हा आरोग्य अधिकारी डॉ. हर्षा मेश्राम,अतिरिक्त जिल्हा आरोग्य अधिकारी डॉ. असीम इनामदार डॉ. सचिन हेमके, जिल्हा आयुष अधिकारी डॉ सुरेश मोटे, साथरोग अधिकारी डॉ दामले व जिल्ह्यातील आयुर्वेदिक व ऍलोपॅथिक व पथकचे संपूर्ण वैद्यकीय अधिकारी उपस्थित होते.
या कार्यक्रमाचे आयोजनाकरिता जिल्हा आयुष अधिकारी डॉ. सुरेश मोटे व जिल्हा आयुष कक्षातील कर्मचाऱ्यांनी प्रयत्न केले . कार्यक्रमाच्या यशस्वीतेसाठी काकडे, क्षीरसागर, विकास , गायकवाड, शेख व राऊत यांनी सहकार्य केले