– आकाश राऊत
नागपुर – महा.अनिस च्या हिंगणा शाखेनी होळी चे निमित्त साधुन “होळी लहान करा आणि पोळी दान करा” या उपक्रमा अंतर्गत होळी चे पुजन करतांना होळीत अर्पण करणाऱ्या पुरणपोळ्या, नारळं, साखरेच्या गाठ्या व इतर खाद्यपदार्थ गोळा करुन झोपडपट्टी तील अनाथ व भटके कुटुंबांमधे वितरीत केले.
या अनोख्या उपक्रमात महा. अनिस च्या कल्पना लोखंडे व निलिमा गोबाडे व शाखा कार्यकर्ते यांनी पुढाकार घेत हिंगणा परिसरात होळी जाळणाऱ्या परिवारांना भेट देऊन वरील खाद्यपदार्थ होळीत न जाळता झोळीत दान करण्याची विनंती केली.या कामी संध्या राऊळकर व शिल्पा वीर यांनी सुद्धा मदत केली .
आज हिगणा झोपडपट्टी एरीयात एका छोटेखानी कार्यक्रमाअंतर्गत या पुरणपोळ्या व खाद्यपदार्थ गरीबांना वितरीत केले.
या वेळी महा. अंनिस चे राज्य कार्यकारिणी सदस्य रामभाऊ डोंगरे व राज्य सदस्य विजयाताई श्रीखंडे , नागपूर जिल्हा कार्याध्यक्ष चित्तरंजन चौरे, देवानंद बडगे, चंद्रशेखर मेश्राम,दिपक लोखंडे व सुरेश गोबाडे उपस्थित होते.
