संदीप कांबळे, कामठी
कामठी ता प्र 15: – मागील आठवड्यापासून काही गावांमध्ये तीन-तीन वेळा लोडशेडिंग यामुळे नागरिक त्रस्त झाले होते त्यांना न्याय मिळवून देण्यासाठी उपकार्यकारी अधिकारी महावितरण टेंभुर्ने यांच्या कार्यालयांवर सत्ता पक्ष नेता तथा सदस्य जि.प. नागपुर प्रा अवंतिका लेकुरवाडे यांच्या नेतृत्वात व कामठी पंचायत समिती उपसभापती-आशिष मल्लेवार ,सदस्य दिलीप वंजारी यांच्यासमवेत निंबा, शिवनी, वरंभा, आसलवाडा, केसोरी, इत्यादी गावातील नागरिकांसह महावितरण कार्यालयावर धडक दिली. अधिकाऱ्यांशी चर्चा केली व सोमवारपासून नियमित भार नियमन करून अतिरिक्त त्रास कमी करण्याचे आश्वासन टेंभुर्ने यांनी दिले. याप्रसंगी वडोदा बीडगाव सर्कल मधील सरपंच उपसरपंच प्रतिष्ठित नागरिक उपस्थित होते. तसेच महावितरणचे वैद्य , जेई तितरमारे , जाधव , सोळुंके उपस्थित होते.