संदीप कांबळे, विशेष प्रतिनिधी

कामठी ता प्र 27 :- स्थानिक नवीन कामठी पोलीस स्टेशन हद्दीत येणाऱ्या कल्पतरू कॉलोनी मध्ये मागील दोन दिवसात दिवसाढवळ्या अज्ञात चोरट्याने घरातुन लॅपटॉप चोरीला नेल्याची घटना घडली असून यासंदर्भात फिर्यादी अजयकुमार सुरेशकुमार श्रीवास्तव वय 50 वर्षे रा कल्पतरू कॉलोनी कामठी ने स्थानिक पोलीस स्टेशन ला दिलेल्या तक्रारीवरून अज्ञात चोरट्या विरुद्ध कलम 380 अनव्ये गुन्हा दाखल करण्यात आला असून पुढील तपास पोलीस उपनिरीक्षक श्याम वारंगे करीत आहेत.

पोलिसांनी दिलेल्या माहीती नुसार फिर्यादी अजयकुमार श्रीवास्तव हे कुटुंबासह पेंच येथे फिरण्याकरिता गेले असता सायंकाळी घरी आले असता घरी असलेले साहित्यापैकी एक लॅपटॉप 15 हजार रुपये किमतीचा मुद्देमाल चोरी गेल्याचे निदर्शनास आले त्यावरून पोलिसात तक्रार नोंदवून गुन्हा दाखल करण्यात आला असून पुढील तपास सुरू आहे.