संदीप कांबळे, कामठी
कामठी ता प्र 20:-मंगळवार दिनांक १९ एप्रिल २०२२ रोजी मुंबई येथील कामगार कल्याण मंडळाच्या हुतात्मा बाबू गेनु सण २०१९ चा विश्वकर्मा कामगार भूषण पुरस्कार महाराष्ट्रातील ५१ उत्कृष्ट कामगारांना कामगार मंत्री श्री हसन मुश्रीफ आणि राज्यमंत्री श्री बच्चू भाऊ कडू यांच्या हस्ते देण्यात आले.
भव्य दिव्य अशा आयोजनात सनईच्या सुरात आणि गार्ड परेडच्या सर्व कामगारांना सन्मानचिन्ह, प्रमाणपत्र आणि २५ हजार रुपयांचा चेक देण्यात आला.
या प्रसंगी कामगार आयुक्त सुरेश जाधव, प्रधान सचिव विनिता वेद सिंगल, विकास आयुक्त असंघटित कामगार डॉ अश्विनी जोशी, कल्याण आयुक्त श्री रविराज इळवे यांच्या सह कामगारांच्या नातेवाईकही मोठ्या संख्येने उपस्थित होते. संचालन सौ साठे ताईंनी केले. नागपूर विभागातून लिलाधर दवंडे ( इंडोरामा सिंथेटिक इं लिमी, बुटीबोरी ), कोमल ठाकरे ( ग्रँडव्हील, बुटीबोरी) या कामगारांचा समावेश होता. त्यांच्या या सन्मानाबद्दल सर्व स्तरातून त्यांचे कौतुक करण्यात येत आहे.
