वॉटर ग्रीडमध्ये सोयगावचा समावेश करण्यासंदर्भात तपासणी करणार – पाणीपुरवठा व स्वच्छता मंत्री गुलाबराव पाटील

मुंबई :- औरंगाबाद जिल्ह्यातील सोयगाव तालुक्याचा वॉटर ग्रीडमध्ये समावेश करण्यासंदर्भात अभ्यास करून व्यवहार्यता तपासण्यात येईल असे पाणीपुरवठा व स्वच्छता मंत्री गुलाबराव पाटील यांनी सांगितले. याबाबत मंत्रालयात आयोजित बैठकीत ते बोलत होते.

कृषी मंत्री अब्दुल सत्तार, प्रधान सचिव संजीव जयस्वाल, महाराष्ट्र जीवन प्राधिकरणाचे सदस्य सचिव अभिषेक कृष्णा तसेच संबंधित विभागाचे अधिकारी बैठकीला उपस्थित होते.

पाणीपुरवठा मंत्री गुलाबराव पाटील म्हणाले की, सोयगाव तालुक्यातील जुन्या निजामकालीन बांधाचे बॅरेजमध्ये रुपांतर करण्याबाबतही पाहणी करण्यात येईल. सोयगाव तालुक्याचा पाणीप्रश्न सोडविण्यासाठी सर्वतोपरी प्रयत्न करण्यात येतील, असेही पाणीपुरवठा मंत्री गुलाबराव पाटील यांनी सांगितले.

कृषी मंत्री अब्दुल सत्तार म्हणाले की, सोयगाव तालुक्यातील पाण्याचा प्रश्न सोडविण्याची या भागातील ग्रामस्थांची आग्रही मागणी आहे. निजामकालीन बांधाला बॅरेजमध्ये रुपांतरित करण्यासंदर्भातील प्रस्तावही सादर करण्यात आले आहेत. सोयगाव तालुक्यातील पाणीप्रश्न सोडविण्यासाठी याचा नक्कीच फायदा होईल, असेही कृषी मंत्री अब्दुल सत्तार म्हणाले.

Contact us for news or articles - dineshdamahe86@gmail.com

NewsToday24x7

Next Post

वन कर्मचाऱ्यांना मिळणार पोलिस कर्मचाऱ्यांप्रमाणे लाभ - वनमंत्री सुधीर मुनगंटीवार

Thu Sep 29 , 2022
मुंबई :-  जीव धोक्यात घालून वनांचे संरक्षण करणाऱ्या वन कर्मचाऱ्यांना आता पोलिस कर्मचाऱ्यांप्रमाणेच लाभ मिळणार असून आज झालेल्या मंत्रिमंडळ बैठकीत या विषयीच्या प्रस्तावाला मान्यता देण्यात आल्याचे वनमंत्री सुधीर मुनगंटीवार यांनी सांगितले. मंत्री सुधीर मुनगंटीवार यांनी या निर्णयाची माहिती देताना सांगितले की, देशातील नागरी संपत्तीप्रमाणेच वने व वन्यजीव ही वन संपत्ती फार महत्वाची आहे. नागरी संपत्तींचे आणि मनुष्यांचे संरक्षण करतांना जीव […]

You May Like

Latest News

The Latest News

Social Media Auto Publish Powered By : XYZScripts.com
error: Content is protected !!