संदीप कांबळे, विशेष प्रतिनिधी
कामठी :- बंगाली संस्कृतीतील जीवन आनंद, उत्साह आणि उत्सवाचे समानार्थी आहे. जीवनचक्राला नवा आयाम देणारे नाव म्हणजे पोयला बैशाख म्हणजेच वैशाख महिन्याचा पहिला दिवस. बंगाली समाजातील लोक हा दिवस नवीन वर्ष म्हणून साजरा करतात. बंगाली संस्कृतीच्या समावेशाने शहर व परिसर भरून गेला असून घरा-अंगणात उत्साहाचे वातावरण होते.
यानिमित्ताने साबरे सेलिब्रेशन लॉन, रनाळा येथे बंगाली ग्रुप अँड असोसिएट्स आणि विदर्भ पत्रकार परिषद यांच्या संयुक्त विद्यमाने आयोजित बांगला कल्चरल फेस्टमध्ये सत्कार व सांस्कृतिक कार्यक्रमाचे आयोजन करण्यात आले होते. द्रोणाचार्य पुरस्कार विजेते बिमल प्रफुल्ल घोष यांनाही कार्यक्रमात स्मृतिचिन्ह देऊन गौरविण्यात आले.
कार्यक्रम सुरू होण्यापूर्वी विशेष अतिथी गायक एसीपी डॉ.अशोक बागुल आणि सारेगामा फेम गायक परितोष मुखर्जी यांनी बंगाली ग्रुप अँड असोसिएट्स आणि विदर्भ पत्रकार परिषदेच्या वतीने उपस्थित सर्वाना शुभेच्छा देऊन कार्यक्रमाची सांगता केली. सहायक पोलिस उपायुक्त बी.एन. नलवाडे व सहाय्यक पोलीस उपायुक्त डॉ.अशोक बागुल विशेष अतिथी म्हणून गायक व बंगाली वेलफेअर अँड कल्चरल असोसिएशनचे उपाध्यक्ष डॉ.बी.एन. नंदी, एस. के.पोरवाल महाविद्यालयाचे उपप्राचार्य डॉ.मनिष चक्रवर्ती उपस्थित होते. विशेष निमंत्रितांमध्ये नागपूर रेल्वेचे मुख्य नियंत्रक सभेंदू मल्लिक, रनाळा ग्रामपंचायतीचे उपसरपंच नागोराव साबरे, सेवानिवृत्त डीव्हीएएसपी गोपाल यादव, इकोलॉजिकल फाऊंडेशनचे डॉ. अभिषेक चिमणकर, सेवानिवृत्त बीएसएफ शेषराव अढाऊ, पंजाब-बंगाल रोडलाइन्सचे संचालक परमजितसिंग वाडे, पायलवाला ज्वेलर्स चे संचालक गजेंद्र अग्रवाल ही उपस्थित होते.
यावेळी डॉ.इंद्रजित बसू, रनाळा ग्रामपंचायतीचे सरपंच पंकज साबरे, उपसरपंच अंकिता कोविद तळेकर, सामाजिक कार्यकर्त्या लतेश्वरी ब्रम्हा काळे यांचाही स्मृतिचिन्ह देऊन गौरव करण्यात आला.
सांस्कृतिक कार्यक्रमात तिशा विकास बोस, शिरीन दिनेश भगत यांनी संगीत-नृत्य सादर केले. विशेष गायक एसीपी अशोक बागुल आणि सारेगामा फेम परितोष मुखर्जी यांच्यासह असीमा बोस, काकोली मल्लिक, मिठू चक्रवर्ती यांनी युगल आणि सोलो गाणी सादर करून प्रेक्षकांना मंत्रमुग्ध केले. तर दुसरीकडे डॉ.रतन रॉय आणि संदीप मल्लिक आणि नागोराव साबरे यांची संगीतमय गाणी ऐकून उपस्थितांनी टाळ्या वाजवून त्यांचे स्वागत केले.
यावेळी भिलगावच्या सामाजिक कार्यकर्त्या रेणुका भास्कर भनारे यांच्या वतीने अकरा भाग्यवान प्रेक्षकांना भेटवस्तूही देण्यात आल्या. कार्यक्रमाचे संचालन डॉ.अशोक बागुल, प्रा.मोहम्मद असरार, परितोष मुखर्जी, अन्वारुल हक पटेल यांनी केले. कार्यक्रमाचे यशस्वी साठी संयोजक व अध्यक्ष सौमित्र नंदी, भास्कर भनारे, परितोष मुखर्जी, असिमा विकास बोस, श्यामोल बागची, गौतम सरकार, पल्लव सरकार, केसीएस मोंडल, तपन सहा, गोपाल सहा, गोपाल बोस, सुनील पोतनवार, अशोक ठाकरे, सुनील पोतनवार, अशोक चव्हाण, डॉ. सुधीर शंभरकर, दीपचंद शेंडे, शफीक शेख, अज्जू पठाण, मोहम्मद जीशान, रायभान गजभिये, मनोज रंगारी, मुस्कान पोतनवार, परवेज खान आदी सदस्य सक्रिय राहिले. कार्यक्रमात उपस्थित सर्व लोकांनी व्हेज-नॉन व्हेज पदार्थांचा आस्वाद घेतला.
