बाबासाहेबांच्या जयघोषात डॉ. आंबेडकर धम्मज्योत मिरवणूक

-भदंत ससाई यांचे मार्गदर्शन

-संविधान चौकात भीमसैनिकांचा जल्लोष

नागपूर :-माणसाला माणूस म्हणून जगता यावे, यासाठी आयुष्यभर लढा देणारे, भारतरत्न डॉ. बाबासाहेब आंबेडकर यांच्या जयंतीच्या पूर्वसंध्येला गुरुवार, 13 एप्रिलला रात्री 8 वाजता इंदोरा बुद्धविहारातून डॉ.आंबेडकर धम्मज्योत मिरवणुकीला प्रारंभ झाला. तत्पूर्वी बुद्धवंदनेनंतर दीक्षाभूमी स्मारक समितीचे अध्यक्ष व धम्मसेना नायक भदंत आर्य नागार्जुन सुरेई ससाई यांच्या हस्ते बाबासाहेबांच्या पुतळ्याला पुष्पमाला अर्पण करण्यात आली.

इंदोरा बुद्धविहार, अखिल भारतीय धम्मसेना आणि आंबेडकरी अनुयायींच्या संयुक्त वतीने निघालेल्या डॉ. आंबेडकर धम्मज्योत मिरवणुकीत उपासक, उपासिका आणि अनुयायी पांढरे शुभ्र वस्त्र परिधान करून सहभागी झाले होते. पंचशील ध्वज, बग्गी, रथ आकर्षणाचे केंद्र ठरले. तथागत गौतम बुद्ध, डॉ. बाबासाहेब यांचे छायाचित्र असलेले तसेच इतर देखाव्यांचे चित्ररथ मिरवणुकीत सहभागी झाले होते. पंचशील ध्वज, निळी टोपी लक्ष वेधून घेत होती.

‘बुद्धम शरणम् गच्छामी। धम्मम शरणम् गच्छामी। संघम शरणम् गच्छामी।’ बुद्धवंदना म्हणत मिरवणूक इंदोरा चौक, कामठी मार्गाने निघाली. भीम सैनिक हुतात्मा चौक, कडबी चौक, मंगळवारी उड्डाणपूल, गड्डीगोदाम, एलआयसी चौक मार्गाने संविधान चौकात पोहोचली. भदंत ससाई यांच्या हस्ते संविधान चौकातील बाबासाहेबांच्या पुतळ्याला पुष्पमाला अर्पण करून अभिवादन करण्यात आले. बुद्धवंदनेनंतर ससाईंनी अनुयायांना मार्गदर्शन केले. रात्री 12 च्या ठोक्याला फटाक्यांची आतषबाजी, ढोलताशांच्या गजरात भीमसैनिकांनी जल्लोष केला. निळ्या गुलालाची उधळण केली.

या मिरवणुकीत भंते धम्मप्रकाश, महानागा, धम्म बोधी, भीमा बोधी, भंते नागसेन, विनयशील, धम्मशील, अश्वजित, धम्म विजय, मिलिंद, भिक्खूनी संघप्रिया, नागकन्या, धम्मसुधा, किसा गौतमी, पुन्नीका, धम्मशीला, धम्मप्रिया, संघमित्रा, श्रामणेरी पद्मशीला, बोधी आर्या, आम्रपाली, इंदोरा बुद्धविहार कमिटीचे सचिव अमित गडपायले, अ‍ॅड. भास्कर धमगाये, अ‍ॅड. अजय निकोसे, विजय इंदूरकर, आनंद राऊत, विक्रांत गजभिये, नितीन गणवीर, सुनील अंडरसहारे, रोशन उके आणि रवी मेंढे यांनी सहकार्य केले.

निळ्या पाखरांनी फुलले रस्ते

शहरातील प्रत्येक बुद्धविहारातून मिरवणूक काढण्यात आली. रात्री 12 वाजेपर्यंत शहराच्या चारही भागांतील मिरवणुका संविधान चौकात एकत्रित झाल्या. अनुयायांच्या गर्दीने रस्ते फुलले होते. लख्ख अशा रोषणाईने मध्यरात्री दिवस असल्याचा भास होत होता. संविधान चौक निळ्या पाखरांनी फुलला होता. निळ्या गुलालाची उधळण, ढोल-ताशांचा गजर आणि फटाक्यांच्या आतिषबाजीत भीम जल्लोष पहाटेपर्यंत सुरू होता. बाबासाहेबांची जीवनगाथा सांगणार्‍या गीतांमुळे अनुयायांमध्ये जोश संचारला होता.

@ फाईल फोटो

Contact us for news or articles - dineshdamahe86@gmail.com

NewsToday24x7

Next Post

अच्छा कोयला 'खास'और ख़राब 'सरकारी महकमों' को 

Fri Apr 14 , 2023
– WCL मुख्यालय में चल रही सेटिंग जिसे अंजाम दे रहे सभी उपक्षेत्रीय प्रबंधक  नागपुर :-कोयले की गुणवत्ता और उसके लाभार्थी WCL मुख्यालय के सभी सम्बंधित अधिकारी मिलकर तय करते हैं फिर मुख्यालय से लेकर खदान क्षेत्र से प्रत्येक उपक्षेत्रीय प्रबंधकों के माध्यम से गुणवत्तापूर्ण कोयला चहेते व्यापारियों और कोल वाशरी के लिए उपलब्ध करवाने के साथ ही साथ मांगकर्ता […]

You May Like

Latest News

The Latest News

Social Media Auto Publish Powered By : XYZScripts.com
error: Content is protected !!