संदीप कांबळे, विशेष प्रतिनिधी
कामठी :- सामाजिक न्याय व विशेष सहाय्य विभाग महाराष्ट्र शासनाची स्वायत्त संस्था डॉ. बाबासाहेब आंबेडकर संशोधन व प्रशिक्षण संस्था, (बार्टी) पुणे अंतर्गत समतादूत प्रकल्प तालुका कामठी यांच्या वतीने डॉ बाबासाहेब आंबेडकर यांच्या 132 व्या जयंती निमित्त समतापर्वात दादासाहेब कुंभारे मल्टीपर्पज ट्रेनिंग सेंटर कामठी येथे समान संधी कक्षाचे उद्घाटन करण्यात आले.
कार्यक्रमाचे अध्यक्ष प्राचार्य सागर भावे तर कार्यक्रमाचे उद्घाटक हृदय गोडबोले(प्रकल्प अधिकारी नागपूर) होते तर प्रमुख अतिथी म्हणून सुनिता गेडाम,कन्नाके (समतादूत कामठी). प्रार्थना दिवे(समतादूत कळमेश्वर) राष्ट्रपाल डोंगरे (समता दूत कुही) तर प्रमुख मार्गदर्शक सहाय्यक प्राध्यापक शोएब खान होते . सूत्रसंचालन -मोहम्मद रेहान प्रास्ताविक -राष्ट्रपाल डोंगरे समतादूत कुही आभार प्रदर्शन -उज्वल हरीणखेडे स्टुडन्ट. यांनी केले.
या कार्यक्रमांमध्ये समान संधी केंद्राचे उद्घाटन करण्यात आले त्याचप्रमाणे कार्यक्रमाची सुरुवात डॉक्टर बाबासाहेब आंबेडकर व महात्मा फुले यांच्या प्रतिमेला अभिवादन करून पुष्पहार घालून दीप प्रज्वलन करून कार्यक्रमाची सुरुवात करण्यात आली. सदर कार्यक्रमांमध्ये समाज कल्याण व बार्टीच्या योजनांची माहिती देण्यात आली त्याचप्रमाणे डॉक्टर बाबासाहेब आंबेडकर व क्रांतीसुर्य महात्मा ज्योतिबा फुले यांच्या जीवन चरित्र संबंधी माहिती सांगण्यात आली. महाराष्ट्रात समतापर्वाचे आयोजन बार्टीचे महासंचालक सुनील वारे, विभाग प्रमुख डॉ.सत्येंद्रनाथ चव्हाण व नागपूर जिल्हा प्रकल्प अधिकारी ह्रदय गोडबोले यांच्या मार्गदर्शनाखाली उपरोक्त कार्यक्रम पार पाडण्यात आला.
या कार्यक्रमाला अध्यापक व सर्व विद्यार्थी उपस्थित होते.
