संदीप कांबळे, विशेष प्रतिनिधी
कामठी :- जुनी कामठी पोलीस स्टेशन पासून हाकेच्या अंतरावर असलेल्या भाजीमंडीत नागपूर शहर पोलीस आयुक्तालय परिमंडळ क्र 5 गुन्हे शाखा (क्राईम ब्रांच)च्या पथकाने दोन ठिकाणी धाड घालण्याची यशस्वी कारवाही मध्यरात्री दीड ते अडीच दरम्यान केली असून या धाडीतून 63 गोवंश जनावरे जप्त करण्यात आले.तर यातील पाहिजे आरोपी मो इसरार अब्दुल जब्बार वय 46 वर्षे व अनिस अहमद कुरेशी वय 46 वर्षे दोन्ही राहणार भाजी मंडी कामठी विरुद्ध कायदेशीर गुन्हा दाखल करून 2 लक्ष 38 हजार रुपयांचा मुद्देमाल जप्त करण्यात आला.
पोलिसांनी दिलेल्या माहितीनुसार गुन्हे शाखा युनिट क्र 5 च्या पथकाला मिळालेल्या गुप्त माहितीच्या आधारे जुनी कामठी पोलीस स्टेशन हद्दीतील भाजी मंडीतील नमूद पाहिजे आरोपीच्या घरी धाड घालून निर्दयतेने बांधून ठेवलेले गोवंश जनावरे ताब्यात घेऊन जप्त जनावरे नजीकच्या गोरक्षण शाळेत सुरक्षित हलवून गोवंश जनावरांना जीवनदान दिले.
