‘ॲट्रासिटी’ कायद्यांतर्गत प्रकरणांचा जिल्हास्तरावर नियमित आढावा घ्यावा – विभागीय आयुक्त विजयलक्ष्मी बिदरी

विभागीय दक्षता व नियंत्रण समितीची सभा

नागपूर :- अनुसूचित जाती, अनुसूचित जमाती (अत्याचार प्रतिबंधक) कायदा 1989 अंतर्गत प्रलंबित प्रकरणांचा जिल्हास्तरावर नियमित आढावा घेवून ही प्रकरणे निकाली काढण्यासाठी पाठपुरावा करण्याच्या सूचना विभागीय आयुक्त विजयलक्ष्मी बिदरी यांनी आज दिल्या. विभागीय आयुक्त कार्यालयाच्या सभागृहात झालेल्या विभागीय दक्षता व नियंत्रण समितीच्या सभेत त्या बोलत होत्या.

पोलीस उपायुक्त चिन्मय पंडित, समाज कल्याण विभागाचे प्रादेशिक आयुक्त डॉ. सिद्धार्थ गायकवाड, निवासी उपजिल्हाधिकारी विजया बनकर, उपविभागीय पोलीस अधिकारी संजय पुरंदरे, समाज कल्याण सहायक आयुक्त बाबासाहेब देशमुख, पोलीस निरीक्षक प्रदीप पुल्लरवार, सहायक सरकारी वकील दीपिका गवळी यावेळी उपस्थित होते. विशेष पोलीस महानिरीक्षक छेरिंग दोरजे, पोलीस उपमहानिरीक्षक संदीप पाटील यांच्यासह विभागीय सर्व जिल्ह्यांचे जिल्हाधिकारी, पोलीस अधीक्षक दूरदृश्य प्रणालीद्वारे बैठकीला उपस्थित होते.

अनुसूचित जाती, अनुसूचित जमाती अत्याचार प्रतिबंधक कायद्यांतर्गत दाखल गुन्ह्यांपैकी पोलीस तपासावरील आणि न्यायालयात प्रलंबित असलेल्या प्रकरणांचा नियमित आढावा घ्यावा. तसेच ही प्रलंबित प्रकरणे निकाली काढण्यासाठी सातत्याने पाठपुरावा होणे आवश्यक आहे. तसेच या कायद्यांतर्गत दाखल होणाऱ्या गुन्ह्यांची संख्या कमी होण्यासाठी समाजात जागृती करावी. तालुका, जिल्हास्तरावर होणाऱ्या सरपंच, ग्रामसेवक यांच्या प्रशिक्षणामध्ये या कायद्याविषयी माहितीचा समावेश करावा, अशा सूचना बिदरी यांनी दिल्या.

Contact us for news or articles - dineshdamahe86@gmail.com

NewsToday24x7

Next Post

जादूटोणा विरोधी कायद्याविषयी प्रभावी जनजागृती करा - विभागीय आयुक्त विजयलक्ष्मी बिदरी

Thu Oct 13 , 2022
नागपूर :- नरबळी आणि इतर अमानुष,अनिष्ट व अघोरी प्रथा, जादूटोणा यांना प्रतिबंध घालण्यासाठी, त्यांचे समूळ उच्चाटन करण्यासाठी राज्य शासनाने केलेल्या कायद्याची परिणामकारक अंमलबजावणी होणे आवश्यक आहे. त्यासाठी या कायद्यातील तरतुदींची माहिती नागरिकांपर्यंत पोहचविण्यासाठी प्रभावी जनजागृती करण्याच्या सूचना विभागीय आयुक्त विजयलक्ष्मी बिदरी यांनी आज दिल्या. विभागीय आयुक्त कार्यालयात झालेल्या विभाग स्तरावरील जादूटोणा विरोधी कायदा जनजागृती प्रचार आणि प्रसार कार्यक्रम अंमलबजावणी समितीच्या […]

You May Like

Latest News

The Latest News

Social Media Auto Publish Powered By : XYZScripts.com