नागपूर :- फिर्यादीचे वडील पांडुरंग गंगाराम रोडे, वय ७७ वर्षे, रा. लॉट नं. ०९, लोकमान्य नगर, हिंगणा रोड, नागपूर हे सकाळी मॉर्निंग वॉक करीता पायदळ गेले असता, पोलीस ठाणे एमआयडीसी हद्दीत लोकमान्य नगर मेट्रो पिल्लर क. ०५ जवळ, मोटरसायकल क. एम. एच. ४० ए.ई. ३१९५ या चालक नामे आलोक रामप्रकाश पाचरे, वय ३५ वर्षे याने त्याचे ताब्यातील वाहन भरधाव वेगाने, निष्काळजीपणे व धोकादायकरित्या चालवून फिर्यादीचे वडीलांना धडक देवून गंभीर जखमी केले. मोटारसायकल वाहनचालक हा वाहनासह खाली पडुन तोसुध्दा जखमी झाला. दोन्ही जखमींना लोकांनी उपचाराकरीता लता मंगेशकर हॉस्पीटल, डिगडोह येथे नेले असता, उपचारादरम्यान फिर्यादीचे वडीलांना डॉक्टरांनी तपासुन मृत घोषीत केले. वाहन चालक आलोक पाथरे यांचा उपचार सुरू आहे.
याप्रकरणी फिर्यादी मरीश पांडुरंग रोडे, वय ४७ वर्षे, रा. प्लॉट नं. ०९, लोकमान्य नगर, हिंगणा रोड, नागपुर यांनी दिलेल्या तक्रारीवरून पोलीस ठाणे एम. आय.डी.सी. येथे पोउपनि, महेश पवार यांनी वाहन चालकाविरूध्द कलम २८१, १०६(१) भा.न्या.सं., सहकलम १८४ मो. वा. का. अन्वये गुन्हा दाखल केला आहे. पुढील तपास सुरू आहे.
